Իմ կոչումը որպես Երեցների քվորումի նախագահության խորհրդական
Պարտականությունները
Տերը երախտապարտ է Իր Եկեղեցում ծառայելու ձեր պատրաստակամության համար: Ստորև ներկայացված է ձեր կոչման պարտականությունների ակնարկը:
Երեցների քվորումի նպատակը
Մելքիսեդեկյան Քահանայությունն օգնում է Աստծո զավակներին պատրաստվել վերադառնալու Նրա ներկայություն։ Երեցների քվորումի անդամները միասին աշխատում են՝ օգնելու իրականացնել Աստծո փրկության և վեհացման աշխատանքը։ Նրանք ծառայում են ուրիշներին, կատարում քահանայության պարտականությունները, կառուցում միասնություն և սովորում վարդապետությունը և ապրում դրանով (տես Ընդհանուր ձեռնարկ․ ծառայել Հիսուս Քրիստոսի Վերջին Օրերի Սրբերի Եկեղեցում, 8.1)։
Խորհրդականներ
Երեցների քվորումի խորհրդականները աջակցում են նախագահին իր պարտականություններում՝ կազմակերպելու աշխատանքները Սփոփող միության նախագահության հետ, և սպասավորության, միջոցառումների, հաշվետվությունների, գրանցումների և ֆինանսների վերահսկողությունը: Երեցների քվորումի և Սփոփող միության խորհրդականները կարող են նշանակվել ղեկավարելու ծխի միսիոներական աշխատանքը կամ տաճարային և ընտանեկան պատմության աշխատանքը (տես 8.3.3.2):
Նախագահություն
Երեցների քվորումի նախագահությունը և քարտուղարը պարբերաբար հանդիպում են: Նախագահության մեծագույն առաջնահերթություններից մեկն է օգնել, որ ապագա երեցները պատրաստվեն ստանալու Մելքիսեդեկյան քահանայությունը (տես 8.4)։
Երեցների քվորում և Սփոփող միություն
Երեցների քվորումի և Սփոփող միության նախագահությունները համակարգում են սպասավորության հանձնարարությունները և օգնում առաջնորդել տաճարային և ընտանեկան պատմության աշխատանքն ու ջանքերը՝ հրավիրելով բոլորին ստանալ ավետարանի օրհնությունները: Նրանք նաև առանցքային դեր ունեն, երբ ծխի անդամներին ուսուցանում են սպասավորության սկզբունքները, սպասավորության հարցազրույցները, ուսուցանում են ապրել ծոմի օրենքով, դառնալ ինքնապահով և բարձրացնել անձնական և ընտանեկան պատրաստվածությունը (տես 22.6.2):
Կիրակնօրյա ժողովներ
Երեցների քվորումը ժողով է հրավիրում երկրորդ և չորրորդ կիրակիներին՝ նպատակ ունենալով մեծացնել հավատքը, կառուցել միասնություն և ամրացնել ընտանիքներն ու տները։ Ելնելով անդամների կարիքներից՝ քննարկման նպատակով երեցների քվորումի նախագահությունը աղոթքով ընտրում է ուղերձներ ամենավերջին գերագույն համաժողովից (տես 8.2.1.2)։
Ծառայություններ և միջոցառումներ
Երեցների քվորումի նախագահությունները կարող են ծրագրել միջոցառումներ՝ ամրացնելու քվորումի անդամներին և նրանց միասին ծառայելու հնարավորություններ տալու համար։ Նախագահությունները քննարկում են միջոցառումները եպիսկոպոսի հետ (տես 8.2.1.3):