Ti Calling-ko a kas Mamagbaga iti Panguluen ti Korum dagiti Elder
Dagiti Pagrebbengan
Agyamyaman ti Apo iti kinatallugodmo nga agserbi iti Simbaanna. Adda iti baba ti pakagupgopan dagiti pagrebbengan iti calling-mo.
Panggep ti Korum dagiti Elder
Tumulong ti Melchizedek Priesthood kadagiti annak ti Dios nga agsagana nga agsubli iti imatangna. Agtitinnulong dagiti miembro ti korum dagiti elder tapno maipatungpal ti aramid ti Dios iti pannakaisalakan ken pannakaitan-ok. Agserbida iti dadduma, tungpalenda dagiti pagrebbenganda, mangbangonda iti panagkaykaysa, ken agsursuro ken agbiagda iti doktrina (kitaen iti Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw, 8.1).
Dagiti Mamagbaga
Suportaran dagiti mamagbaga ti korum dagiti elder ti presidente kadagiti pagrebbenganna a mangbukel kadagiti panagkagumaan a kaduada ti panguluen ti Relief Society ken mangimaton iti ministering, dagiti aktibidad, report, rekord, ken pakaseknan iti kuarta. Mabalin a madutokan dagiti mamagbaga manipud iti korum dagiti elder ken iti Relief Society tapno mangidaulo iti aramid ti misionario iti ward wenno kadagiti panagkagumaan iti templo ken family history (kitaen iti 8.3.3.2).
Panguluen
Regular nga agmiting ti panguluen ti korum dagiti elder ken secretary. Ti panangtulong kadagiti inanamaen nga elder nga agsagana nga umawat iti Melchizedek Priesthood ket maysa kadagiti kangatuan a prioridad ti panguluen (kitaen iti 8.4).
Korum dagiti Elder ken Relief Society
Dagiti panguluen ti korum dagiti elder ken Relief Society ti mangitunos kadagiti naituding nga aramiden iti ministering ken tumulong a mangidaulo iti aramid iti templo ken family history ken dagiti panagkagumaan a mangawis iti amin nga umawat kadagiti bendision ti ebanghelio. Addaanda pay iti kangrunaan nga akem iti panangisuro kadagiti miembro ti ward kadagiti pagbatayan iti ministering, dagiti interbyu iti ministering, panagbiag iti linteg ti panagayuno, panangbangon iti panagpannuray iti bukod a kabaelan, ken panangpadur-as iti bukod ken sangapamiliaan a kinamanagsagana (kitaen iti 22.6.2).
Dagiti Miting iti Domingo
Agmimiting dagiti korum dagiti elder iti maikadua ken maikapat a Domingo ti bulan tapno mangpatibker iti pammati, mangbangon iti panagkaykaysa, ken mangpapigsa kadagiti pamilia ken pagtaengan. Nainkararagan a pilien ti panguluen ti korum dagiti elder dagiti mensahe manipud iti kaudian a sapasap a komperensia tapno aglilinnawag maibatay kadagiti kasapulan dagiti miembro (kitaen iti 8.2.1.2).
Serbisio ken dagiti Aktibidad
Mabalin a mangplano dagiti panguluen dagiti korum dagiti elder kadagiti aktibidad a mangpatibker kadagiti miembro ti korum ken mangted kadakuada kadagiti gundaway nga agserbi nga agkakadua. Paglilinnawagan dagiti panguluen dagiti aktibidad iti bishop (kitaen iti 8.2.1.3).