ការហៅរបស់ខ្ញុំជាទីប្រឹក្សាម្នាក់ក្នុងគណៈប្រធានកូរ៉ុមអែលឌើរ
ការទទួលខុសត្រូវទាំងឡាយ
ព្រះអម្ចាស់មានអំណរគុណចំពោះឆន្ទៈរបស់អ្នកក្នុងការបម្រើនៅក្នុងសាសនាចក្ររបស់ទ្រង់ ។ ខាងក្រោមនេះជាទិដ្ឋភាពទូទៅមួយនៃការទទួលខុសត្រូវក្នុងការហៅរបស់អ្នក ។
គោលបំណងរបស់កូរ៉ុមអែលឌើរ
បព្វជិតភាពម៉ិលគីស្សាដែកជួយបុត្រាបុត្រីរបស់ព្រះឲ្យរៀបចំខ្លួនដើម្បីត្រឡប់ទៅទីវត្តមានរបស់ទ្រង់វិញ ។ សមាជិកនៃកូរ៉ុមអែលឌើរធ្វើការរួមគ្នាដើម្បីជួយសម្រេចកិច្ចការនៃសេចក្តីសង្រ្គោះ និងភាពតម្កើងឡើងរបស់ព្រះ ។ ពួកគេបម្រើដល់អ្នកដទៃ បំពេញតាមកាតព្វកិច្ចបព្វជិតភាព បង្កើតសាមគ្គីភាព និងរៀន ហើយរស់នៅតាមគោលលទ្ធិ ( សូមមើល ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ, ៨.១ ) ។
ទីប្រឹក្សា
ទីប្រឹក្សាកូរ៉ុមអែលឌើរគាំទ្រដល់ប្រធាន ដោយមានទំនួលខុសត្រូវដើម្បីរៀបចំកិច្ចខិតខំប្រឹងប្រែងជាមួយគណៈប្រធានសមាគមសង្គ្រោះ ហើយមើលខុសត្រូវលើការងារបម្រើ សកម្មភាព របាយការណ៍ កំណត់ត្រា និងហិរញ្ញវត្ថុ ។ ទីប្រឹក្សាមកពីកូរ៉ុមអែលឌើរ និងសមាគមសង្គ្រោះ អាចត្រូវបានចាត់តាំងឲ្យដឹកនាំកិច្ចការផ្សព្វផ្សាយសាសនារបស់វួដ ឬកិច្ចខិតខំខាងពង្សប្រវត្តិ និងព្រះវិហារបរិសុទ្ធ ( សូមមើល ៨.៣.៣.២ ) ។
គណៈប្រធាន
គណៈប្រធានកូរ៉ុមអែលឌើរ និងលេខាជួបគ្នាជាទៀងទាត់ ។ ការជួយរៀបចំពួកអែលឌើរបម្រុងឲ្យទទួលបព្វជិតភាពម៉ិលគីស្សាដែកជាអាទិភាពមួយក្នុងចំណោមអាទិភាពខ្ពស់បំផុតរបស់គណៈប្រធានកូរ៉ុម ( សូមមើល ៨.៤ ) ។
កូរ៉ុមអែលឌើរ និងសមាគមសង្គ្រោះ
កូរ៉ុមអែលឌើរ និងគណៈប្រធានសមាគមសង្គ្រោះ សម្របសម្រួលការចាត់តាំងការងារបម្រើ ព្រមទាំងជួយដឹកនាំកិច្ចការ និងកិច្ចខិតខំព្រះវិហារបរិសុទ្ធ និងពង្សប្រវត្តិ ដើម្បីអញ្ជើញមនុស្សទាំងអស់ឲ្យទទួលបានពរជ័យនៃដំណឹងល្អ ។ ពួកគាត់ក៏មានតួនាទីយ៉ាងសំខាន់ក្នុងការបង្រៀនសមាជិកវួដនូវគោលការណ៍នៃការងារបម្រើ ការរស់នៅតាមច្បាប់នៃការតមអាហារ ការបង្កើតភាពខ្លួនទីពឹងខ្លួន និងការបង្កើនការរៀបចំខ្លួនផ្ទាល់ខ្លួន និងជាគ្រួសារផងដែរ ( សូមមើល ២២.៦.២ ) ។
ការប្រជុំនៅថ្ងៃអាទិត្យ
កូរ៉ុមអែលឌើរជួបជុំគ្នានៅថ្ងៃអាទិត្យទីពីរ និងទីបួន ដើម្បីបង្កើនសេចក្ដីជំនឿលើព្រះយេស៊ូវគ្រីស្ទ បង្កើតសាមគ្គីភាព និងពង្រឹងដល់ក្រុមគ្រួសារ និងគេហដ្ឋាន ។ គណៈប្រធានកូរ៉ុមអែលឌើរជ្រើសរើសសារលិខិតមកពីសន្និសីទទូទៅថ្មីបំផុតប្រកបដោយការអធិស្ឋាន ដើម្បីយកមកពិភាក្សាដោយផ្អែកលើតម្រូវការរបស់សមាជិក ( សូមមើល ៨.២.១.២ ) ។
ការបម្រើ និងសកម្មភាពនានា
គណៈប្រធានកូរ៉ុមអែលឌើរអាចដាក់ផែនការធ្វើសកម្មភាពនានាដើម្បីពង្រឹងដល់សមាជិកកូរ៉ុម និងផ្តល់ឱកាសឲ្យពួកគេបម្រើជាមួយគ្នា ។ គណៈប្រធានពិភាក្សាអំពីសកម្មភាពជាមួយប៊ីស្សព ( សូមមើល ៨.២.១.៣ ) ។