Sa Pagsugod
“Ang Iya lamang nga gipangayo nga kamo mohatag sa inyong labing maayo nga paningkamot ug sa inyong bug-os nga kasingkasing. Buhata kini nga malipayon ug inubanan sa pag-ampo sa hugot nga pagtuo.” —Presidente Henry B. Eyring1
Kami magdapit kanimo nga sugdan ang imong bag-ong calling gamit ang tanang suporta ug impluwensya nga anaa kanimo pinaagi sa Ginoo. Kini mahimo pinaagi sa pagdawat sa mosunod nga duha ka pagdapit nga buhaton.
Una, pag-ampo. Pag-ampo alang niadtong imong pangulohan. Pag-ampo alang niadtong imong serbisyohan. Pag-ampo og mga oportunidad, pagsabot, ug mga panalangin kanunay. Salig pag-ayo sa Ginoo ug Siya mopanalangin kanimo diha sa imong calling.
Ikaduha, kinahanglan ang pagpaluyo ug pag-set-apart alang sa imong bag-ong calling. Kining importante nga lakang maghatag kanimo sa awtoridad sa pagkapari aron sa pagbuhat diha sa imong calling. Pinaagi niini nga awtoridad, mahimo ka nga makadawat og mga panalanagin ug inspirasyon nga giniyahan pinaagi sa Espiritu alang niadtong imong pangulohan ug serbisyohan.
Padayon ngadto sa seksiyon sa mga Responsibilidad alang sa kinatibuk-ang pagpasabot sa imong calling.