My Roeping as ʼn Raadgewer in die Primêre Organisasie-presidensie
Verantwoordelikhede
Die Here is dankbaar vir jou bereidwilligheid om in sy Kerk te dien. Hieronder is ʼn oorsig van die verantwoordelikhede vir jou roeping.
Doel van die Primêre Organisasie
Die Primêre Organisasie help kinders om hulle Hemelse Vader se liefde te voel; te leer van sy plan van geluk; die evangelie van Jesus Christus uit te leef; en die invloed van die Heilige Gees te voel, te herken en daarop te handel. Primêre Organisasie is ook ʼn tyd om vir heilige verbonde voor te berei, te sluit en te onderhou terwyl kinders deelneem aan God se verlossingswerk en verheffing. (Sien Algemene Handleiding: Diens in Die Kerk van Jesus Christus van die Heiliges van die Laaste Dae, 12.1.)
Raadgewers
Die Primêre Organisasie-presidensie help ouers om kinders voor te berei om die verbondspad te betree en daarop te vorder. Dit is een van hulle belangrikste verantwoordelikhede. Die presidensie hou toesig oor Primêre Organisasie vergaderings, bediening van individuele kinders, onderwysers en leiers, en die administratiewe behoeftes van die Primêre Organisasie. (Sien 12.3.2.)
Klasse en Sangtyd
Dit is ʼn heilige voorreg om kinders te onderrig. Primêre Organisasieleiers het kinders lief en onderrig kinders volgens die Saligmaker se manier. Primêre Organisasieklasse word volgens ouderdom en die aantal beskikbare onderwysers georganiseer (sien 12.1.3). Sangtyd help kinders om Hemelse Vader se liefde te voel en te leer van sy plan van geluk (sien 12.1.4).
Vergaderings en Rade
Die president en haar raadgewers vergader gereeld. Hulle het ook vergaderings met die biskop of sy toegewysde raadgewer. (Sien 12.3.2.)
Onderwysers en Leiers
Om God se kinders te onderrig is ʼn heilige voorreg. Die Primêre Organisasie-presidensie bied ondersteuning aan Primêre Organisasie-onderwysers en -leiers tydens klasse, kleuterklas en sangtyd (sien 12.3.5). Die Primêre Organisasie-presidensie beveel die name van mans en vroue aan by die bisdom om as Primêre Organisasie-onderwysers en kleuterklasleiers te dien.
Primêre Organisasie-aktiwiteite
Primêre Organisasie-aktiwiteitsleiers beplan prettige en aangename aktiwiteite wat help om God se werk van heil en verheffing te volbring. Diens en aktiwiteite moet getuienisse bou, families versterk en geleenthede bied om ander te seën. Primêre Organisasie-aktiwiteite word oor die algemeen twee keer per maand gehou vir kinders 8–11 jaar oud. (Sien 12.3.6.)
Riglyne en Beleide
Alle volwassenes wat met kinders of jeugdiges werk moet die kinder- en jeugbeskermingsopleiding binne een maand nadat hulle onderskraag is, voltooi (ProtectingChildren.ChurchofJesusChrist.org). Riglyne en beleide rakende kinders met gestremdhede, veiligheidsbehoeftes, die Kinder- en Jeugprogram, en meer kan gevind word in afdeling 12.5 van die Algemene Handleiding.