Noqu Kacivi meu dua na Daunivakasala ena Mataveiliutaki ni Lalai
iTavi eso
Sa vakavinavinaka na Turaga ena nomuni lomasoli mo ni veiqaravi ena Nona Lotu. Oqo edua na ivakamacala raraba ni nomu veikacivi.
iNaki ni Lalai
Na Lalai e vukei ira na gone mera vakila na loloma ni Tamada Vakalomalagi; vulica me baleta na Nona ituvatuva ni marau; bulataka na kosipeli i Jisu Karisito; ka vakila, kila, ka cakacaka ena veivakauqeti ni Yalo Tabu. Na Lalai sa gauna talega ni vakavakarau, cakava, ka maroroya na veiyalayalati tabu ni ra vakaitavi na gone ena cakacaka ni veivakabulai kei na bula vakacerecerei ni Kalou. (Raica na iVoladusidusi Raraba: Veiqaravi e Na Lotu i Jisu Karisito ni Yalododonu Edaidai, 12.1.)
Daunivakasala
Na mataveiliutaki ni Lalai e vukei ira na itubutubu me ra vakarautaki ira na gone me ra curu ka toso ki liu ena salatu ni veiyalayalati. Oqo e dua vei ira na nodra itavi bibi duadua. Eratou na raica raraba na mataveiliutaki na soqoni ni Lalai, nodra qaravi na gone yadua, qasenivuli kei na iliuliu, kei na gagadre vakaveiliutaki ena Lalai. (Raica na 12.3.2.)
Kalasi kei na Gauna ni Lagasere.
E sa dua na itavi tabu mera vakatavulici na gonelalai. Era lomani ka vakavulici ira na gonelalai o ira na iliuliu ni Lalai ena ivakarau ni iVakabula. Sa yavutaki vaka yabaki na kalasi ni Lalai kei na iwiliwili ni qasenivuli sa tiko rawa (raica na 12.1.3). Na gauna ni lagalagasere ena vukei ira na gone mera vakila na loloma ni Tamada Vakalomalagi ka vulica na Nona ituvatuva ni marau (raica na 12.1.4).
Bose kei na Matabose
Eratou dau sota wasoma na peresitedi kei rau na nona daunivakasala. E tiko talega na bose vata kei bisopi se na nona daunivakasala e lesi kina. (Raica na 12.3.2.)
Qasenivuli kei na Veiliutaki
Na nodra vakavulici na luve ni Kalou sa dua na madigi tabu. Eratou na veitokoni na mataveiliutaki ni Lalai vei ira na qasenivuli kei na iliuliu ni Lalai ena gauna ni kalasi, isususu, kei na gauna ni lagasere (raica na 12.3.5). Ratou na vakatura ki na matabisopi na mataveiliutaki ni Lalai na turaga kei na marama mera veiqaravi vaka qasenivuli ni Lalai kei na iliuliu ni isususu.
iTaviqaravi ni Lalai
Era tuvana na itaviqaravi na iliuliu ni Lalai na itaviqaravi lasa ka na veisureti ka rawati kina na cakacaka ni veivakabulai kei na bula vakacerecerei ni Kalou. Na veiqaravi kei na itaviqaravi e dodonu me tara cake na ivakadinadina, vaqaqacotaka na matavuvale, ka vakarautaka na madigi mera vakalougatataki kina na tani. Na itaviqaravi ni Lalai e dau vakayacori vakarua ena dua na vula me baleti ira na gonelalai yabaki 8–11. (Raica na 12.3.6.)
iDusidusi kei na Lawatu
Na tabaqase kece era cakacaka vata kei ira na itabagone e dodonu mera vakacavara na veituberi ni Veitaqomaki vei ira na Gonelalai kei na iTabagone ena loma ni dua na vula ni nodra tokoni (ProtectingChildren.ChurchofJesusChrist.org). Na idusidusi kei na lawatu me baleti ira na gone era vakaleqai tu, veika e gadrevi ena veitaqomaki, na parokaramu ni Gonelalai kei na iTabagone, kei na so tale era kune ena wase 12.5 ni iVoladusidusi Raraba.