Taabe

E kakaitau te Uea ibukin nanom ni beku n Ana Ekaretia. I nano bon kabwarabwaran kanoan tibwangam.

Te Kantaninga n te Moanrinan

Te Moanrinan e buokiia ataei n namakina ana tangira Tamaia are i Karawa; n reiakina taekan ana babaire ni kakukurei; ni maiuakin ana euangkerio Iesu Kristo; ao n namakina, ni kinaa, ao ni karaoa nanon ana wirikiriki te Tamnei ae Raoiroi. Te Moanrinan bon te tai naba ni katauraoi ibukin, karaoan, ao kawakinan berita aika tabu n aroia ataei n ira waakin ana mwakuri te Atua ibukin te kamaiu ao te kairietataaki. (Taraa Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 12.1.)

Kauntira

Te beretitentii n te Moanrinan e buokiia kaaro ni katauraoia ataei n roko ao ni waaki iaon kawain te berita. Aio bon teuana ibuakon tibwangaia ae kakawaki. Te beretitentii e na tararuai bootakin te Moanrinan, ibuobuoki nakoia ataei n tatabemaniia, taan reirei, ao taan kariiri n te Moanrinan. (Taraa 12.3.2.)

Kiraati n te Moanrinan ao Tain te Anene

Bon te mwioko ae tabu n reireiniia ataei. Taan kairiiri n te Moanrinan a tangiriia ao a reireiniia ataei n ana kawai te Tia Kamaiu. A baireaki kaain te kiraati n te moanrinan n aia ririki ao mwaitiia taan reirei aika tauraoi (taraa 12.1.3). Tain te anene e buokiia ataei n namakina ana tangira Tamaia are i Karawa ao n reiakina taekan Ana babaire ni Kakukurei (taraa 12.1.4).

Boowi ao Kauntira

Te beretitenti ao ana kautira a na booa aia bootaki ni katoa tai. A na bootaki naba ma te bitiobi ke ana kauntira are e a tia ni mwiokoaki. (Taraa 12.3.2.)

Taan Reirei ao Taan Kairiiri

Reireinakiia Natin te Atua bon te tibwanga ae tabu. Te beretitentii n te Moanrinan a na anga aia boutoka nakoia taan reirei ao taan kairiiri n te Moanrinan n tain te kiraati, neetiuri, ao n tain te anene (taraa 12.3.5). Te Beretitentii n te Moanrinan e na aanga araia tabeman nakon te bitiobiriki aika mwaane ao aine aika a na beku bwa taan reirei ao taan kairiiri n te netiuri.

Waaki ni Kakukurei n te Moanrinan

Taan kairiiri n te Moanrinan a bairei mwakuri ni kaunga ao ibuobuoki ao waaki ni kakukurei aika a na kakoroa nanon te mwakuri ibukin te kamaiuaki ao te karietataaki. Te mwakuri n ibuobuoki ao waaki ni kakukurei a riai ni karikirakei onimaki, kakorakorai utu, ao ni karekei taai ni kakabwaiaia tabeman. Waaki ni kakukurei n te Moanrinan a na booaki uoua te tai n te namwakaina ibukiia ataei n te ririki ae 8–11. (Taraa 12.3.6.)

Kainibaire ao Kaetieti

Ni kabane ikawai ake a mwakuri ma ataei ao kairake a riai ni kabwanina anaan te reirei ibukin kamanoaia ataei ao kairake teuana te namwakaina man te tai are a kamatoaaki iai (ProtectingChildren.ChurchofJesusChrist.org). Kainibaire ao kaetieti ni kaineti ma ataei aika iai kainnanoia aika a onoti, bwaai aika a kainnanoaki ibukin te kamanoaki, aia burokuraem Ataei ao Kairake, ao tabeua riki a kona n reke inanon mwakoro 12.5 n te Aeniboki ni Kabuta.