My Roeping as ʼn Raadgewer in die Verligtingsverenigingspresidensie
Verantwoordelikhede
Die Here is dankbaar vir jou bereidwilligheid om in sy Kerk te dien. Hieronder is ʼn oorsig van die verantwoordelikhede vir jou roeping.
Die Doel van die Verligtingsvereniging
Die Verligtingsvereniging is ʼn goddelik-ingestelde organisasie vir alle volwasse vroue in die Kerk. Die Verligtingsvereniging help God se kinders om hulle voor te berei om terug te keer na sy teenwoordigheid. Die Profeet Joseph Smith het onderrig dat die doel van die Verligtingsvereniging is om “siele te red en lyding te verlig”—voorsiening van die Saligmaker se verligting (sien Algemene Handleiding: Diens in Die Kerk van Jesus Christus van die Heiliges van die Laaste Dae, 9.1).
Raadgewers
Die president en haar raadgewers hou toesig oor bedieningsusters, Sondagonderrig en aktiwiteite. Hulle leer susters hul verbondsverantwoordelikhede, berei jongdames voor om aan die Verligtingsvereniging deel te neem, en koördineer pogings om jong volwasse susters te versterk (sien 9.4). Die Verligtingsverenigingspresidensie en sekretaresse vergader gereeld (sien 9.3.2.3).
Leierskap en Rade
Verligtingsverenigingleiers beplan Sondagvergaderings, aktiwiteite, bediening, diens en ander interaksies om vroue ervarings in God se werk van heil en verheffing te bied. Lede van die Verligtingsvereniging en ouderlingskworum werk saam as ʼn eenheid (sien 9.2).
Verligtingsvereniging en Ouderlingskworum
Verligtingsverenigings- en Ouderlingskworumpresidensies koördineer bedieningstoewysings en help om tempel- en familiegeskiedeniswerk en pogings om almal te nooi om die seëninge van die evangelie te ontvang, te lei. Hulle speel ook ʼn sleutelrol om wykslede die beginsels te leer om behoeftiges te dien, die wet van die vas uit te leef, self-onderhouding te bou en persoonlike en familiegereedheid te verhoog (sien 22.6.2).
Sondagvergaderings
Verligtingsverenigings vergader op die tweede en vierde Sondag met die doel om geloof in Jesus Christus te verhoog, eenheid te bou en families en huise te versterk. Vergaderings begin met gebed en sluit tyd in vir gesamentlike beraadslaging en evangeliese onderrig en bespreking gebaseer op onlangse algemene konferensiepraatjies (sien 9.2.1.2).
Diens en Aktiwiteite
Verligtingsverenigingspresidensies kan aktiwiteite beplan om susters se geloof in Jesus Christus te versterk, hulle begeerte om verbonde te sluit en te onderhou te verhoog, en hulle geleenthede te gee om saam te dien. Die president hou toesig oor hierdie aktiwiteite en kan ʼn raadgewer of ʼn ander suster vra om die leiding te neem in die beplanning en uitvoering daarvan (sien 9.2.1.3).
Riglyne en Beleide
Addisionele Riglyne en Beleide kan gevind word in afdeling 9.6 van die Algemene Handleiding.