Nakoau ae te Kauntira n te Beretitentii n te Bootaki n Aine
Taabe
E kakaitau te Uea ibukin nanom n tatauraoi ni beku n Ana Ekaretia. Aika a oti i nano bon rinanoakin taabe ibukin nakoam.
Te Kantaninga ibukin te Bootaki n Aine
Te Bootaki n Aine bon te bootaki ae roko mai ieta ibukiia aine aika a ikawai n te Ekaretia. E buokiia natin te Atua aika ataei te Bootaki n Aine ni katauraoiia n oki Nakoina. E reirei te Burabeti Iotebwa Timiti bwa oin te kaantaninga n te Bootaki n Aine bon “kamaiuakiia tamnei ao kabebetean rawawata”—katauraoan ana kabebetete Tia Kamaiu (taraa Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 9.1).
Kauntira
Te beretitenti ma ana kauntira a tararuaia aine n te mwakuri ni ibuobuoki, kaetieti ibukin te Tabati, ao waaki ni kakukurei. A reireiniia aine tabeia n aia berita aika tabu, katauraoakiia ataeinaine n ira buakon te Bootaki n Aine, n ikarekebai ni mwakuri ni kakorakoraia aine aika a ikawai (taraa 9.4). Te beretitentii n te Bootaki n Aine ao te tia koroboki a na kakaraoa aia bowi n te tai ae mwaiti (taraa 9.3.2.3).
Te Waaki ni Kairiiri ao Kauntira
A baairei boowi n te Tabati, waaki ni kakukurei, kaakawari, mwakuri ni ibuobuoki, ao waaki n reitaki riki tabeua te Bootaki n Aine ni katauraoiia aine ma taneiei i nanon ana mwakuri ni kamaiu ao ni karietataa te Atua. A mwakuri ni katiteuanaaki membwa n te Bootaki n Aine ao te Kooram n Unimwaane (taraa 9.2).
Bootaki n Aine ao te Kooram n Unimwaane
A baairei mwioko ao kaakawari te Beretitentii n te Bootaki n Aine ao te Kooram n unimwaane ao ni ibuobuoki ni kaira te mwakuri n rongorongon te utu ao te tembora ma te kekeiaki ni kaoiia ni kabane bwa a na karekei ana kakabwaia te euangkerio. Iai naba oin aia beku n reireiniia membwa n te uoote reirein te ibuobuoki nakoia naake iai kainnanoia, ni maiuakina tuan te aki mamatam, karikirakea te riki n toronibwai, ao ni karikirakea te tatauraoi bon iroum ao te utu (taraa 22.6.2).
Bootaki n te Tabati
A bootakin te Bootaki n Aine n kauouan ao kaauan Tabati ma te kaantaninga ni kakorakoraan te onimaki iroun Iesu Kristo, karekean te boonnano, ao kakorakoraia utu ao mweenga. E moanaki te bootaki n te tataro ao ni kaairaki ma tain te marooro ao n kaetieti n te euangkerio ao te marooro ae boboto i aon te maungatabu ni kabuta ae e a tibwa nako. (taraa 9.2.1.2).
Mwakuri n Ibuobuoki ao Waaki ni Kakukurei
A kona ni bairei waaki ni kakukurei te Beretitentii n te Bootaki n Aine ni kakorakorai aia onimaki aine iroun Iesu Kristo, kakorakorai nanoia ni karaoi ao ni kawakin berita aika a tabu, ao n anganiia te tibwanga ni beku ni bootaki. E na tararuai waaki ni kakukurei aikai te beretitenti ao e kona ni mwiokoa ana kauntira ke temanna te aine bwa e na kaira te babaire ao ni kakoroa nanona (taraa 9.2.1.3).
Kainibaire ao Kaetieti
A kuneaki kainibaire riki tabeua ao kaetieti i nanon mwakoro 9.6 n te Aeniboki ni Kabuta.