Dagiti Pagrebbengan

Agyamyaman ti Apo iti kinatallugodmo nga agserbi iti Simbaanna. Adda iti baba ti pakabuklan dagiti pagrebbengan iti calling-mo.

Panggep ti Relief Society

Ti Relief Society ket maysa a nadiosan a naipasdek nga organisasion para kadagiti amin a nataengan a babbai iti Simbaan. Tumulong ti Relief Society kadagiti annak ti Dios nga agsagana nga agsubli iti imatangna. Insuro ni Propeta Joseph Smith a ti panggep ti Relief Society ket tapno “mangisalakan kadagiti kararua ken mangpabang-ar iti panagsagaba”—panangipaay iti tulong ti Mangisalakan (kitaen iti Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw, 9.1).

Dagiti Mamagbaga

Ti presidente ken dagiti mamagbagana ti mangimaton kadagiti ministering sister, panangisuro iti Domingo, ken aktibidad. Isuroda kadagiti kakabsat a babbai dagiti pagrebbenganda iti katulagan, tulonganda dagiti agtutubo a babbai nga agsagana a makiraman iti Relief Society ken makitunos kadagiti panagkagumaan a mangpapigsa kadagiti young adult a kakabsat a babbai (kitaen iti 9.4). Regular nga agmiting ti panguluen ti Relief Society ken secretary (kitaen iti 9.3.2.3).

Panangidaulo ken dagiti Konseho

Planuen dagiti lider ti Relief Society dagiti miting ti Domingo, aktibidad, ministering, panagserbi, ken dadduma pay a pannakilangen tapno mangipaay kadagiti babbai kadagiti padas iti aramid ti Dios iti pannakaisalakan ken pannakaitan-ok. Agtrabaho a sangsangkamaysa dagiti miembro ti Relief Society ken korum dagiti elder (kitaen iti 9.2).

Relief Society ken Korum dagiti Elder

Dagiti panguluen ti Relief Society ken korum dagiti elder ti mangitunos kadagiti naituding nga aramiden iti ministering ken tumulong a mangidaulo iti aramid iti templo ken family history ken panagkagumaan a mangawis iti amin nga umawat kadagiti bendision ti ebanghelio. Addaanda pay iti kangrunaan nga akem iti panangisuro kadagiti miembro ti ward kadagiti pagbatayan iti ministering kadagiti agkasapulan, agbiag iti linteg ti panagayuno, mangbangon iti panagpannuray iti bukod a kabaelan, ken mangpadur-as iti bukod ken sangapamiliaan a kinamanagsagana (kitaen iti 22.6.2).

Dagiti Miting iti Domingo

Agmimiting dagiti Relief Society iti maikadua ken maikapat a Domingo nga addaan panggep a mangpatibker iti pammati ken ni Jesucristo, mangbangon iti panagkaykaysa, ken mangpapigsa kadagiti pamilia ken pagtaengan. Mangrugi dagiti miting iti kararag ken iramanna ti oras ti panagiinnuman ken panangisuro ken panaglilinnawag iti ebanghelio a naibatay iti kallabes a mensahe iti sapasap a komperensia (kitaen iti 9.2.1.2).

Serbisio ken dagiti Aktibidad

Mabalin a planuen dagiti panguluen ti Relief Society dagiti aktibidad a mangpapigsa iti pammati dagiti kakabsat a babbai ken ni Jesucristo, mangpadakkel iti tarigagayda nga agaramid ken agtungpal kadagiti katulagan, ken mangted kadakuada kadagiti gundaway nga agserbi a sangkamaysa. Ti presidente ti mangimaton kadagitoy nga aktibidad ken mabalin a kiddawenna iti maysa a mamagbaga wenno sabali a kabsat a babai a mangidaulo iti panagplano ken panangipatungpal kadagitoy (kitaen iti 9.2.1.3).

Dagiti Pangiwanwan ken Annuroten

Masarakan dagiti mainayon a pangiwanwan ken annuroten iti benneg 9.6 ti Sapasapa a Handbook.