Eddo ko

Irooj ej m̧ōņōņō kōn wūjlepļo̧k eo am̧ n̄an jerbal ilo Kabun̄ in An. Ijin ilaļ ej juon kōmeļeļe kōn eddo in kūr eo am̧.

Jipadpad eo an Doulul eo an Kōrā ro

Doulul eo an Kōrā ro ej juon doulul eo ekwojarjar kar karōke n̄an kōrā ro rōrūtto ilo Kabun̄ in. Doulul eo an Kōrā ro ej jipan̄ ajri ro nejin Anij kōppopo n̄an jepļaakļo̧k n̄an Ippān. Rikanaan Josep Smith ekar kwaļo̧k bwe jipadpad eo an Doulul eo an Kōrā ro ej n̄an “lo̧mo̧o̧ren jetōb ko im kōmeraik en̄taan ko”— leļo̧k unjen mour an Rilo̧mo̧o̧r (lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 9.1).

Rikakpilōklōk ro

Būreejtōn eo im rikakpilōklōk ro an rej lale jerbal in karejar an sister ro, katak ko ilo Jabōt, im m̧akūtkūtk ko. Rej katakin sister ro bujen eddo ko aer, kepooj jiron̄ ro n̄an bōk koņaer ilo Doulul eo an Kōrā ro, im loloorjake kijejeto ko n̄an kōkajoorļo̧k sister ro rōrūtto (lale 9.4). Būreejtōnji eo an Doulul eo an Kōrā ro im rijeje eo rej kweilo̧k emakijkij ippān doon (lale 9.3.2.3).

Ritōl ro im Ko̧o̧njeļ ko

Ritōl ro an Doulul eo an Kōrā ro rej karōke kweilo̧k ko aer ilo Jabōt, m̧akūtkūt ko, jerbal in karejar, jerbal in jipan̄, im ikitōltōl ko jet n̄an jipan̄ kōrā ro bōk koņaer ilo jerbal in lo̧mo̧o̧r eo an Anij im mour ijo eutiejtata. Membōr ro an Doulul eo an Kōrā ro im doulul eo an elder ro rej jerbal ippān doon (lale 9.2).

Doulul eo an Kōrā ro im Doulul eo an Elder ro

Būreejtōnji ro an Doulul eo an Kōrā ro im Doulul eo an Elder ro rej loloorjake jerbal in karejar im jerbal in tampeļ im menmenbwij an baam̧le im kijejeto ko n̄an kūr aolep n̄an bōk kōjeraam̧m̧an ko an tampeļ. Ebar wōr aer eddo n̄an katakin ward membōr ro kōn pedped in jerbal in karejar n̄an ro rej pād ilo aikuj, mour kōn kien jitlo̧k, kōkajoorļo̧k un̄n̄are peid make, im kōļapļo̧k kōppopo an juon make im baam̧le ko (lale 22.6.2)

Kweilo̧k ko an Jabōt

Doulul eo an Kōrā ro rej ioon doon ilo Jabōt ruo im emān kōn juon jipadpad n̄an kōļapļo̧k tōmak ilo Jisōs Kraist, kalōk juon wōt, im kōkajoorļo̧k baam̧le ko im m̧oko. Kweilo̧k ko rej ijjino kōn jar im ekoba jidik iien n̄an kapilōk doon n̄an ekkatak gospel eo im kōnono ko pedped ioon kweilo̧k eo eļap eo ej kab jem̧ļo̧k ļo̧k (lale 9.2.1.2).

Jerbal in jipan̄ im M̧akūtkūt ko

Būreejtōnji eo an Doulul eo an Kōrā ro remaron̄ karōk m̧akūtkūt ko n̄an kōkajoorļo̧k tōmak eo an sister ro ilo Jisōs Kraist, kōļapļo̧k ikdeelel eo aer n̄an kōm̧m̧an im kōjparok bujen ko, im leļo̧k n̄an er iien ko rem̧m̧an n̄an jerbal n̄an doon. Būreejtōn eo ej lale m̧akūtkūt kein im emaron̄ kajjitōk ippān juon rikakpilōklōk ak bar juon sister n̄an tōl ilo pepe im loloorjaki (lale 9.2.1.3).

Unin Tōl im Kakien ko

Kakkobaba in unin tōl ko jet im kakien ko rej waļo̧k ilo jekjōn 9.6 in Bok in Bōk Meļeļe Eļap.