Te mau hōpoi’a

’Ua māuruuru te Fatu nō tō ’outou hina’aro ’ia tāvini i roto i tāna ’Ēkālesia. Teie i raro nei te hō’ē ha’apotora’a nō ni’a i te mau hōpoi’a nō tō ’outou pi’ira’a.

Te tumu o te Sotaiete Tauturu

Te Sōtaiete Tauturu, ’o te hō’ē ïa fa’anahora’a tei ha’amauhia e te Atua nō te mau vahine pa’ari ato’a i roto i te ’Ēkālesia. E tauturu te Sōtaiete Tauturu i te mau tamari’i a te Atua ’ia fa’aineine nō te ho’i i mua i tōna ’aro. ’Ua ha’api’i te peropheta Iosepha Semita ē, te fā o te Sōtaiete Tauturu o te « fa’aorara’a ïa i te mau vārua ’e te tāmarūra’a i te māuiui »—te hōro’ara’a i te tauturu a te Fa’aora (hi’o : i Buka arata’i rahi Tāvinira’a i roto Te ’Ēkālesia a Iesu Mesia i te Feiā Mo’a i te mau mahana hope’a nei, 9.1).

Nā tauturu

E hi’opo’a te peresideni ’e tōna nā tauturu i te mau tuahine aupuru, te ha’api’ira’a i te sābati, ’e te mau ’ātivite. E ha’api’i rātou i te mau tuahine i tā rātou mau hōpoi’a nō te fafaura’a, e fa’aineine i te feiā ’āpī tamāhine ’ia ’āmui mai i roto i te Sōtaiete Tauturu, ’e e fa’aau i te mau tauto’ora’a nō te ha’apūai i te mau tuahine feiā ’āpī pa’ari (hi’o 9.4). E putuputu tāmau te peresidenira’a o te Sōtaiete Tauturu ’e te pāpa’i parau (hi’o 9.3.2.3).

Te fa’aterera’a ’e te mau ’āpo’ora’a

E fa’anaho te feiā fa’atere o te Sōtaiete Tauturu i te mau purera’a i te sābati, te mau ’ātivite, te ’ohipa aupurura’a, te tāvinira’a, ’e te tahi atu mau ’ohipa nō te hōro’a i te mau vahine i e mau ’itera’a i roto i te ’ohipa a te Atua nō te fa’aorara’a ’e te fa’ateiteira’a. E ’ohipa te mau melo o te Sōtaiete Tauturu ’e o te pupu peresibutero ma te tāhō’ē (hi’o 9.2).

Sōtaiete Tauturu ’e pupu Peresibutero

E fa’aau te mau peresidenira’a Sōtaiete Tauturu ’e te pupu peresibutero i te mau tonora’a aupurura’a ’e e tauturu i te arata’ira’a i te ’ohipa hiero ’e te ’ā’amu ’utuāfare ’e te mau tauto’ora’a nō te ani i te tā’āto’ara’a ’ia fāri’i i te mau ha’amaita’ira’a o te ’evanelia. E ’ohipa faufa’a ato’a tā rātou i roto i te ha’api’ira’a i te mau melo o te pāroita i te mau parau tumu nō te aupurura’a i te feiā nava’i ’ore, te orara’a i te ture nō te ha’apaera’a mā’a, te fa’arava’ira’a iāna iho, ’e te fa’arahira’a i te fa’aineinera’a i te ta’ata iho ’e te ’utuāfare (hi’o 22.6.2).

Te mau purera’a i te sābati

E putuputu te mau Sōtaiete Tauturu i te piti ’e te maha o te sābati ma te hō’ē fā nō te fa’arahi i te fa’aro’o ia Iesu Mesia, nō te patu i te hō’ēra’a, ’e nō te ha’apūai i te mau ’utuāfare ’e te mau nohora’a. E ha’amata te mau rurura’a nā roto i te pure ’e e fa’ata’a i te taime nō te ’āparau-’āmui-ra’a ’e te ha’api’ira’a ’evanelia ’e te ’āparaura’a nō ni’a i te mau a’ora’a o te ’āmuira’a rahi i ma’iri a’enei (hi’o 9.2.1.2).

Te tāvinira’a ’e te mau ’ātivite

E nehenehe te mau peresidenira’a Sōtaiete Tauturu e fa’anaho i te mau ’ātivite nō te ha’apūai i te fa’aro’o o te mau tuahine ia Iesu Mesia, nō te fa’arahi i tō rātou hina’aro ’ia rave ’e ’ia ha’apa’o i te mau fafaura’a, ’e ’ia hōro’a ia rātou i te mau rāve’a nō te tāvini ’āmui. E hi’opo’a te peresideni i teie mau ’ātivite ’e e nehenehe ’oia e ani i te hō’ē tauturu ’aore rā, i te tahi atu tuahine ’ia arata’i i te fa’aineinera’a ’e i te fa’atupura’a i te reira (hi’o 9.2.1.3).

Te mau arata’ira’a ’e te mau fa’aturera’a

E ’itehia te tahi atu mau arata’ira’a ’e mau fa’aturera’a i roto i te tuha’a 9.6 o te Buka arata’i rahi.