O Le Amataina
“E na o le pau le mea o loo Ia talosaga mai ai o lou tuuina atu lea o au taumafaiga silisili ma lou loto atoa. Ia fai ma le fiafia ma le tatalo o le faatuatua.” —Peresitene Henry B. Eyring1
Matou te valaaulia oe e amata lou valaauga fou faatasi ai ma le lagolago ma tosinaga uma ua faaavanoa mo oe e le Alii. E mafai ona faia lenei mea e ala i le taliaina o valaaulia nei e lua e faatino.
Muamua, tatalo. Tatalo mo i latou o loo e taitaia. Tatalo mo i latou o loo e auauna atu i ai. Tatalo mo avanoa, malamalama, ma faamanuiaga e le aunoa. Faalagolago tele i le Alii ma o le a Ia faamanuiaina oe i lou valaauga.
Lona lua, ia lagolagoina ma vaetofia mo lou valaauga fou. O lenei laasaga taua ua tuuina atu ai ia te oe le pule o le perisitua e galue ai i lou valaauga. E ala mai i lenei pule, e mafai ai ona e maua faamanuiaga ma musumusuga e taialaina e le Agaga mo i latou e te taitaia ma auauna atu i ai.
Faaauau i le vaega o Tiutetauave mo se vaaiga aoao o lou valaauga.