Koling blong Mi olsem wan Kaonsela insaed long Stek Praemeri Presidensi
Ol Responsabiliti
Lod i tangkyu from tingting blong yu blong wantem givim seves insaed long Jos blong Hem. Andanit ia i wan sot lukluk blong ol responsabiliti blong koling blong yu.
Stamba Tingting blong Praemeri
Praemeri i helpem ol pikinini blong filim lav blong Papa blong olgeta long Heven; lanem abaot plan blong hapines blong Hem; laef folem gospel blong Jisas Kraes; mo filim, luksave mo mekem folem insperesen blong Tabu Spirit. Praemeri tu i wan taem blong rere blong mekem mo kipim ol kavenan taem ol pikinini oli tekpat long wok blong God blong fasin blong sevem man mo hemia blong kam olsem wan god. (Luk long Jeneral Hanbuk : Stap Givim Seves Insaed long Jos Ia blong Jisas Kraes blong Lata-dei Sent, 12.1.)
Stek Praemeri Kaonsela
Ol stek Praemeri kaonsela oli wok insaed long stek Praemeri presidensi. Ol memba blong presidensi oli gat plante responsabiliti we i tekem tu blong stap helpem stek presidensi, stap wok insaed long stek kaonsela (presiden nomo), stanemap ol niu wod Praemeri presidensi we oli jes singaotem, gogohed blong stap givim sapot mo instraksen, mo stap visitim ol klas blong wod insaed long stek. Taem oli invaetem olgeta, oli save go long ol kodineting kaonsel miting mo toktok long ol sakramen miting mo ol nara ples (luk long 6.7.1).
Ol Miting mo Ol Kaonsel
Stek Praemeri presidensi i mas kaonsel tugeta oltaem. Oli save invaetem olgeta tu blong wok long sam moa kaonsel. (Luk long 6.7.1.1.)
Ol Praemeri Aktiviti
Wanwan taem stek Praemeri Presidensi i save mekem plan blong holem sam aktiviti blong ol pikinini we oli gat 8 kasem 11 yia. Ol aktiviti ia, oli save ol aktiviti blong ol gel, ol boe, o tugeta (luk long 6.7.1.3).
Sam Moa Gaedlaen mo Polisi
Evri adalt we oli wok wetem ol pikinini mo yut oli mas finisim Proteksen trening blong Ol Pikinini mo Ol Yut, hemia bifo wan manis i pas afta we oli sastenem olgeta (ProtectingChildren.ChurchofJesusChrist.org Ol gaedlaen mo polisi abaot ol pikinini wetem ol spesel nid, ol impoten sefti, ol Pikinini mo ol Yut program, mo ol narafala samting yu save faenem long seksenĀ 12.5 blong Jeneral Hanbuk.