Akong Calling isip usa ka Magtatambag sa Kapangulohan sa Primary sa Stake

Mga Responsibilidad

Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga reponsibilidad sa imong calling.

Katuyoan sa Primary

Ang Primary motabang sa kabataan nga mobati sa gugma sa ilang Langitnong Amahan; makakat-on mahitungod sa Iyang plano sa kalipay; mosunod sa ebanghelyo ni Jesukristo; ug mobati, moila, ug molihok sa impluwensiya sa Espiritu Santo. Ang Primary usa usab ka panahon sa pagpangandam, paghimo, ug pagtuman sa sagrado nga mga pakigsaad samtang ang kabataan moapil sa buhat sa Dios sa kaluwasan ug kahimayaan. (Tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 12.1.)

Magtatambag sa Primary sa Stake

Ang mga magtatambag sa Primary sa stake moserbisyo diha sa kapangulohan sa Primary sa stake. Ang mga sakop sa kapangulohan adunay daghang responsibilidad nga maglakip sa pagtabang sa kapangulohan sa stake, moserbisyo diha sa konseho sa stake (presidente lamang), motudlo sa bag-ong gitawag nga mga kapangulohan sa Primary sa ward, motanyag og padayon nga suporta ug instruksiyon, ug magbisita sa mga klase sa ward diha sa stake. Kon gidapit, sila mahimong motambong sa mga miting sa coordinating council ug mamulong sa mga miting sa sakrament ug sa uban pang mga kahimtang (tan-awa sa 6.7.1).

Mga Miting ug mga Konseho

Ang kapangulohan sa Primary sa stake kinahanglan kanunay nga magtinambagay. Sila mahimong dapiton sa pagserbisyo sa dugang nga mga konseho. (Tan-awa sa 6.7.1.1.)

Mga Kalihokan sa Primary

Ang kapangulohan sa Primary sa stake mahimong magplano panagsa og mga kalihokan sa stake alang sa mga bata nga nag-edad og 8 hangtod 11. Kini nga mga kalihokan mahimong alang sa mga batang babaye, mga batang lalaki, o sa duha (tan-awa sa 6.7.1.3).

Mga Lagda ug mga Palisiya

Ang tanang hamtong nga naglihok uban sa kabataan ug kabatan-onan kinahanglang mokompleto sa pagbansay sa Pagpanalipod sa Kabataan ug Kabatan-onan sulod sa usa ka bulan human mapaluyohi (ProtectingChildren.ChurchofJesusChrist.org). Ang mga lagda ug mga palisiya kabahin sa kabataan nga adunay espesyal nga mga panginahanglan, mga kinahanglanon sa kahilwasan, ang Programa sa Kabataan ug Kabatan-onan, ug uban pa makita sa seksiyon 12.5 sa Kinatibuk-ang Tamdanan nga Basahon.