Noqu iTavi vaka Daunivakasala ena Mataveiliutaki ni Lalai

iTavi eso

E vakavinavinakataka na Turaga na nomu lomasoli mo veiqaravi ena Nona Lotu. E koto era na ivakamacala raraba ni itavi eso ni nomu veikacivi.

iNaki ni Lalai

Na Lalai e vukei ira na gone me ra vakila na loloma ni Tamada Vakalomalagi; vulica me baleta na Nona ituvatuva ni marau; bulataka na kosipeli i Jisu Karisito; ka vakila, kila, ka cakacaka ena veivakauqeti ni Yalo Tabu. Na Lalai sa gauna talega ni vakavakarau, cakava, ka maroroya na veiyalayalati tabu ni ra vakaitavi na gone ena cakacaka ni veivakabulai kei na bula vakacerecerei ni Kalou. (Raica na iVoladusidusi Raraba: Veiqaravi e Na Lotu i Jisu Karisito ni Yalododonu Edaidai, 12.1.)

Daunivakasala ni Lalai ni iTeki

Era veiqaravi na daunivakasala ni Lalai ena iteki ena mataveiliutaki ni Lalai ena iteki. E vuqa na nodra itavi na lewe ni mataveiliutaki e oka kina na nodra vukei na mataveiliutaki ni iteki, veiqaravi ena matabose ni iteki (peresitedi walega), vakavulici ni mataveiliutaki vou ni Lalai ni tabanalevu kacivi, solia na veitokoni kei na ivakasala, kei na veisiko ni kalasi ni tabanalevu ena iteki. Nira sureti, sa rawa me ra tiko ena bose ni matabose veivakarautaki ka vosa ena soqoni ni sakaramede kei na veivanua tale eso (raica na 6.7.1).

Bose kei na Matabose

Me ratou dau veivakasalataki wasoma na mataveiliutaki ni Lalai ena iteki. E rawa nira sureti mera veiqaravi ena so na matabose. (Raica 6.7.1.1.)

iTaviqaravi ni Lalai

Sa rawa vei iratou na mataveiliutaki ni Lalai ena iteki me ratou dau tuvanaka vagauna na itaviqaravi ni iteki me baleti ira na gone yabaki 8 kina 11. Na itaviqaravi oqo e rawa nira vakaitavi kina na goneyalewa, gonetagane, se ruarua. (raica na 6.7.1.3).

iDusidusi kei na Lawatu

Na itabaqase kece era cakacaka vata kei ira na gonelalai kei ira na itabagone e dodonu me ra vakacavara na veituberi ni Veitaqomaki vei ira na Gonelalai kei na iTabagone ena loma ni dua na vula mai na gauna era a tokoni kina (ProtectingChildren.ChurchofJesusChrist.org). Na idusidusi kei na lawatu me baleti ira na gonelalai era vakaleqai tu, veika e gadrevi ena veitaqomaki, na parokaramu ni Gonelalai kei na iTabagone, kei na so tale era kune ena wase 12.5 ni iVoladusidusi Raraba.