Lin b’oqb’al jo’ aj tenq’ aj k’ehol na’leb’ sa’ li awa’b’ejil re li Tzoleb’aal reheb’ li Kok’al sa’ li oqech

Li k’a’ru teneb’anb’il

Nasaho’ xch’ool li Qaawa’ naq wan aach’ool chi k’anjelak sa’ lix Iglees a’an. Rub’el a’in wan jun xtusulal li k’a’ru teneb’anb’il sa’ laa b’oqb’al.

Li rajb’al li Tzoleb’aal reheb’ li Kok’al

Li Tzoleb’aal reheb’ li Kok’al naxtenq’aheb’ li kok’al chireek’ankil lix rahom li qaChoxahil Yuwa’; chixyu’aminkil lix evangelio li Jesukristo; ut chireek’ankil, chixk’eeb’al reetal, ut chixk’anjelankil lix hasb’ li Santil Musiq’ej. Sa’ li Tzoleb’aal reheb’ li Kok’al, eb’ li kok’al te’xkawresi rib’ choq’ reheb’ li santil sumwank, ut re te’xb’aanuheb’ ut te’xpaab’eb’ li sumwank naq neke’tz’aqon sa’ lix k’anjel li Dios re li kolb’a-ib’ ut li taqenaqil loq’al. (Chi’ilmanq Jolomil K’anjenel Hu: Li k’anjelak sa’ lix Iglees li Jesukristo reheb’ laj Santil Paab’anel sa’ Roso’jikeb’ li Kutan, 12.1.)

Laj tenq’ aj k’ehol na’leb’ sa’ li awa’b’ejil re li Tzoleb’aal reheb’ li Kok’al sa’ li oqech

Eb’ laj tenq’ aj k’ehol na’leb’ a’in neke’k’anjelak sa’ li awa’b’ejil re li Tzoleb’aal reheb’ li Kok’al sa’ li oqech. Wankeb’ k’anjel teneb’anb’il sa’ xb’eeneb’ li komon sa’ li awa’b’ejil, jo’ xtenq’ankil li awa’b’ejil re oqech, k’anjelak sa’ li ch’uut re oqech (ka’ajwi’ li awa’b’ej), xk’eeb’al xtzolb’aleb’ li ak’ awa’b’ejil re li Tzoleb’aal reheb’ li Kok’al, tenq’ank ut k’ehok na’leb’, ut rula’aninkileb’ li tzoleb’aal reheb’ li teep sa’ li oqech. Naq b’oqb’ileb’, naru neke’tz’aqon sa’eb’ li jolomil ch’utam ut neke’aatinak sa’eb’ li ch’utam re li loq’laj wa’ak ut jalan chik li ch’utam (chi’ilmanq 6.7.1).

Eb’ li ch’utam ut eb’ li jolomil ch’uut

Li awa’b’ejil re li Tzoleb’aal reheb’ li Kok’al sa’ li oqech tento te’xk’uub’ xna’leb’ chi kok’ aj xsa’. Naru neke’b’oqe’ chi k’anjelak sa’ xkomoneb’ chik li jolomil ch’uut. (Chi’ilmanq 6.7.1.1.)

Eb’ li kok’ k’anjel re li Tzoleb’aal reheb’ li Kok’al

Li awa’b’ejil re li Tzoleb’aal reheb’ li Kok’al sa’ li oqech naru naxk’uub’eb’ li kok’ k’anjel re oqech choq’ reheb’ li kok’al li wan 8 chihab’ reheb’ toj 11 chihab’. Naru neke’b’aanuman choq’ reheb’ li ixqa’al, li teelom, malaj xkab’ichaleb’ (chi’ilmanq 6.7.1.3).

Li b’eresink ut li chaq’rab’ink

Chixjunileb’ li komon ak ninqeb’ li neke’k’anjelak rik’ineb’ li kok’al ut li saaj tento te’xb’aanu li tzolok chirix xkolb’aleb’ rix li kok’al ut li saaj naq maji’ jun po rokikeb’ sa’ lix b’oqb’aleb’ (ProtectingChildren.ChurchofJesusChrist.org). Li b’eresink ut li chaq’rab’ink chirixeb’ li kok’al wankeb’ xmajelal sa’ tib’elej, li kolok-ix, li k’anjeleb’aal choq’ reheb’ li kok’al ut li saaj, ut xkomon chik li na’leb’ naru natawman sa’ li tasal 12.5 re li Jolomil K’anjenel Hu.