Eddo ko

Irooj ej m̧ōņōņō kōn wujlepļo̧k eo am̧ n̄an jerbal ilo Kabun̄ eo An. Ijin ilaļ ej juon kōmeļeļe ekadu in eddo ko n̄an kūr eo am̧.

Jibadbad eo an Būraimere

Būraimere ej jipan̄ ajri ro en̄jake iakwe eo an Jemeer Ilan̄; katak kōn karōk eo An ekam̧ōņōņō; mour kōn gospel eo an Jisōs Kraist; im en̄jake, kile, im ļoor im̧we eo an Jetōb Kwojarjar. Būraimere ej barāinwōt juon iien n̄an m̧aanjabpopo n̄an, kōm̧m̧an, im kōjparok bujen ko rekwojarjar ilo an ajri ro bōk koņaer ilo jerbal in lo̧mo̧o̧r eo an Anij im mour ijo eutiej tata. (Lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 12.1.)

Ritōl ro an Būraimere an Stake

Stake Būraimere Rikakpilōklōk ej jerbal ilo Būreejtōnji eo an Būraimere ilo Stake. Ro uwaan būreejtōnji in elōn̄ kain aer eddo eo ekoba jipan̄e stake būreejtōnji eo, pād ilo stake council (bureejtōn eo wōt), kwaļo̧k kilen jerbal ko an būraimere n̄an ward Būraimere būreejtōnji eo ekāāl, waanmaanļo̧k n̄an leļo̧k jipan̄ im tōļ, im loļo̧k kilaaj ko an ward ilo stake. N̄e rej kūr, remaron̄ pād ilo kweilo̧k ko an council ak kenono ilo iien kweilo̧k in kwojkwoj eo im jikin ko jet (lale 6.7.1).

Kweilo̧k ko im Ko̧o̧njeļ ko

Būreejtōnji an Būraimere an Stake eo ej aikuj emakijkij aer kweilo̧k ippān doon. Remaron̄ kūrlok er n̄an kweilo̧k ko an council ro jet. (Lale 6.7.1.1.)

M̧akūtkūt ko an Būraimere

Stake Būraimere būreejtōnji eo emaron̄ jet iien karōk m̧akūtkūt an stake n̄an ajri ro 8 n̄an 11 iiō dettaer. Makūtkūt kein remaron̄ n̄an leddik ro, laddik ro, ak jim̧or (see 6.7.1.3).

Unin Tōl im Kakien ko jet

Aolep rūtto ro rej jerbal ippān ajri ro im jodikdik ro rej aikuj kadedeļo̧k kaminene eo an Kōjparok Ajri ro im Jodikdik ro ilowaan wōt juon allōn̄ jān ke raar rejtake (ProtectingChildren.ChurchofJesusChrist.org Unin tōl ko im kakien ko ikkijen ajri ro ewōr aer utam̧we ko rein juon, men ko aikuji kōn kōjparok (safety requirement), būrookraam̧ eo an Ajri ro im Jodikdik ro, im ko jet loi ilo jekjōn 12.5 an Bok in Bōk Meļeļe Eļap.