Ol Responsabiliti

Lod i tangkyu from tingting blong yu blong wantem givim seves insaed long Jos blong Hem. Andanit ia i gat wan sot lukluk blong ol responsabiliti

Stamba Tingting blong Rilif Sosaeti

Rilif Sosaeti i wan tabu oganaesesen we oli stanemap blong evri adalt woman insaed long Jos. Rilif Sosaeti i helpem ol pikinini blong God blong rere blong gobak stap wetem Hem, long ples blong Hem. Profet Josef Smit i bin tijim se stamba tingting blong Rilif Sosaeti hem i blong “sevem ol sol mo help long taem blong safaring.(luk long Jeneral Hanbuk: Stap Givim Seves Insaed long Jos Ia blong Jisas Kraes blong Ol Lata-dei Sent, 9.1).

Stek Rilif Sosaeti Kaonsela

Ol memba blong stek Rilif Sosaeti presidensi oli gat plante responsabiliti we i tekem tu blong stanemap ol niu wod Rilif Sosaeti presidensi we oli jes singaotem mo stap givim sapot we i gohed; blong stap tijim ol wod Rilif Sosaeti presiden abaot ol prinsipol blong stap givhan, famli histri, mo misinari wok (luk long 9.5); stap mekem ol singgel adalt sista oli kam moa strong; putum tugeta ol wok blong imejensi; stap toktok long ol sakramen miting mo ol nara ples; mo stap visitim ol wod Rilif Sosaeti miting (luk long 6.7.1).

Ol Miting mo Ol Kaonsel

Stek Rilif Sosaeti presidensi i mas kaonsel tugeta oltaem. Wan memba blong presidensi i wok wetem stek yang singgel adalt mo singgel adalt komiti, sapos oli bin oganaesem. Presidensi i go long ol yia stek lidasip miting mo i givim instraksen long ol wod Rilif Sosaeti presidensi long ol miting ia (luk long 29.3.4), mekem wok long stek adalt lidasip komiti, mo go long ol kodineting kaonsel taem Eria Seventi i invaetem olgeta (luk long 29.4).

Seves mo Ol Aktiviti

Stek Rilif Sosaeti presidensi, i save mekem plan blong wan o tu miting evri yia blong evri Rilif Sosaeti sista long stek. Olgeta miting ia i save tekem tu seves, ol klas, ol projek, ol konfrens, mo ol woksop (luk long 6.7.1.1). Stek Rilif Sosaeti, Stek Yang Woman, mo Stek Praemeri presidensi, wanwan taem oli save mekem plan from ol kombaen aktiviti blong oganaesesen blong olgeta (luk long 6.7.1).

Ol Gaedlaen mo Polisi

Sam moa long ol gaedlaen mo ol polisi yu save faenem long seksen 9.6 blong Jeneral Hanbuk.