Noqu Veikacivi Vaka Daunivakasala ena Mataveiliutaki ni iSoqosoqo ni Veivukei ena iTeki
iTavi
E vakavinavinakataka na Turaga na nomu lomasoli mo veiqaravi ena Nona Lotu. Sa koto e ra na rai vakararaba ni vei itavi eso ni nomu veikacivi.
Na iNaki ni iSoqosoqo ni Veivukei
Na iSoqosoqo ni Veivukei e sa dua na mataisoqosoqo yavutaki vakalou me baleti ira taucoko na marama uabula ena Lotu. Na iSoqosoqo ni Veivukei e vukei ira na luve ni Kalou me ra vakavakarau me ra lesu tale ki na Nona iserau. E vakatavulica na Parofita o Josefa Simici ni inaki ni iSoqosoqo ni Veivukei sa ikoya me “vakabulai na yalo kei na vakacegui ni rarawa”—ena vakarautaki ni veivuke ni iVakabula (raica na iVoladusidusi Raraba: Veiqaravi ena Lotu i Jisu Karisito ni Yalododonu Edaidai, 9.1).
Daunivakasala ni iSoqosoqo ni Veivukei ena iTeki
E levu na nodra itavi na lewe ni mataveiliutaki ni iSoqosoqo ni Veivukei ena iteki ka oka kina na nodra dusimaki na mataveiliutaki vou ni iSoqosoqo ni Veivukei ena tabanalevu kei na kena tokoni tikoga; vakavulici ira na peresitedi ni iSoqosoqo ni Veivukei ena tabanalevu na ivakavuvuli ni veiqaravi, tuvakawa, kei na cakacaka ni kaulotu (raica na 9.5); vaqaqacotaki ira na marama qase cake sega ni vakawati; vakacokotaki ni sasaga ni leqa tubukoso; vosa ena soqoni ni sakaramede kei na veivanua tale eso; kei na veisiko ki na soqoni ni iSoqosoqo ni Veivukei ena tabanalevu (raica na 6.7.1).
Bose kei na Matabose
Me ratou dau veivakasalataki wasoma na mataveiliutaki ni iSoqosoqo ni Veivukei ena iteki. Ena veiqaravi e dua na lewe ni mataveiliutaki ena komiti ni itabagone qase cake sega ni vakawati kei na uabula qase cake sega ni vakawati ena iteki, kevaka e tauyavutaki. Eratou na tiko na mataveiliutaki ena veiyabaki ena bose ni veiliutaki ni iteki ka dusimaki ira na mataveiliutaki ni iSoqosoqo ni Veivukei ena tabanalevu ena bose oqori (raica na 29.3.4), veiqaravi ena komiti ni veiliutaki ni uabula ena iteki, ka tiko ena bose ni matabose veivakarautaki ni ra sureti mai vei iratou na Vitusagavulu ni iWasewase (raica na 29.4).
Veiqaravi kei na iTaviqaravi
Na mataveiliutaki ni iSoqosoqo ni Veivukei ena iteki e rawa me tuva ka vakayacora e dua se rua na soqoni ena veiyabaki me baleti ira taucoko na marama ena iSoqosoqo ni Veivukei ena iteki. Na soqoni oqo e rawa me okati kina na veiqaravi, kalasi, cakacaka me vakayacori, koniferedi, kei na vuli cakacaka (raica na 6.7.1.1). Sa rawa vei ira na mataveiliutaki ni iSoqosoqo ni Veivukei, Goneyalewa, kei na Lalai me ra tuvanaka na itaviqaravi cokovata me baleta na nodra isoqosoqo (raica na 6.7.1).
iDusidusi kei na Lawatu
Na ikuri ni idusidusi kei na lawatu ena kune ena iwase 9.6 ni iVoladusidusi Raraba.