Kūr eo aō āinwōt juon Rikakpilōklōk ilo Būreejtōnji eo an Doulul eo an Kōrā ro an Stake

Eddo ko

Irooj ej m̧ōņōņō kōn wujlepļo̧k eo am̧ n̄an jerbal ilo Kabun̄ eo An. Ijin ilaļ ej juon kōmeļeļein eddo ko ilo kūr eo am̧.

Jibadbad eo an Doulul eo an Kōrā ro

Doulul eo an Kōrā ro ej juon doulul eo ekwojarjar kar karōke n̄an kōrā ro rōrūtto ilo Kabun̄ in. Doulul eo an Kōrā ej jipan̄ ajri ro nejin Anij kōppopo n̄an jepļaakļo̧k n̄an Ippān. Rikanaan Josep Smith ekar kwaļo̧k bwe jibadbad eo an Doulul eo an Kōrā ro ej n̄an “lo̧mo̧o̧ren jetōb ko, im kōmeraik en̄taan ko”—leļo̧k unjen mour eo an Rilo̧mo̧o̧r (lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 9.1).

Rikakpilōklōk an Doulul eo an Kōrā ro an Stake

Ro uwaan būreejtōnji eo an Doulul eo an Kōrā ilo stake elōn̄ļo̧k jān juon aer eddo me ekoba katakin būreejtōnji ko an Doulul eo an Kōrā ilo ward ko im leļo̧k rie; katakin būreejtōn ro an Doulul eo an Kōrā ro pedped in jerbal in karejar, menmenbwij, im jerbal in mijenede (lale 9.5); kōkajoorļo̧k sister ro rerūtto ejeļo̧k pāleer; kōjeikik kijetoto in idin̄ ko; kōnono ilo iien kwojkwoj ko im jekjek ko jet; loļo̧k kweilo̧k ko an Doulul eo an Kōrā ilo ward (lale 6.7.1).

Kweilo̧k ko im Ko̧o̧njeļ ko

Stake būreejtōnji eo an Doulul eo an Kōrā emakijkij aer ko̧o̧njeļ ippān doon. Juon membōr in būreejtōnji eo ej jerbal ilo kamiti ko an rum̧m̧an ded ko im rūtto ro ejjeļo̧k pāleer. Būreejtōnji eo ej pād ilo kweilo̧k ko aolep iiō an ritōl ro ilo stake im kipel būreejtōnji ro an Doulul eo an Kōrā ro ilo ward ko ilo kweilo̧k ko (lale 29.3.4), jerbal ilo kamiti eo an ritōl ro an stake rerutto, im pād ilo kweilo̧k ko an Eria Jiljilimjounn̄oul (lale 29.4).

Jerbal in jipan̄ im M̧akūtkūt ko

Stake būreejtōnji eo an Doulul eo an Kōrā ro emaron̄ karōk juon ak ruo kweilo̧k kajjojo iiō n̄an aolep sister ro ilo Doulul eo an Kōra ilo stake eo. Kweilo̧k kein remaron̄ koba jerbal in jipan̄, kūlaaj ko, būroojāāk ko, kweilo̧k eļap ko, im iien ekkatak ko (lale 6.7.1.1). Stake būreejtōnji ro an Doulul eo an Kōrā ro, Doulul eo an Jiron̄ ro, im būreejtōnji ro an Būraimere remaron̄ kobaik m̧akūtkūtkūt ko n̄an doulul ko aer (lale 6.7.1).

Unin Tōl im Kakien ko jet

Kakkobaba in unin tōl ko jet im kakien ko rej waļo̧k ilo jekjōn 9.6 in Bok in Bōk Meļeļe Eļap.