My Roeping as ʼn Raadgewer in die Sondagskoolpresidensie
Verantwoordelikhede
Die Here is dankbaar vir jou bereidwilligheid om in sy Kerk te dien. Hieronder is ʼn oorsig van die verantwoordelikhede vir jou roeping.
Doel van Sondagskool
Die Sondagskool help om God se werk van heil en verheffing te bewerkstellig. Dit word gedoen deur God se kinders te help om die evangelie van Jesus Christus te leer en uit te leef (sien Algemene Handleiding: Diens in die Kerk van Jesus Christus van die Heiliges van die Laaste Dae, 13.1, Evangeliese Biblioteek).
Sondagskoolpresidensie
Die president is verantwoordelik om in die wyksraad te dien, toesig te hou oor evangeliese leer en onderrig tuis en by die kerk, en klasse te organiseer. Sy raadgewers staan hom by. Die Sondagskoolpresidensie ondersteun, bemoedig en gee ook opdrag aan onderwysers om meer effektief te word deur die beginsels in die skrifture en Teaching in the Savior’s Way [Onderrig Volgens die Saligmaker se Manier] te volg (sien 13.2.2.2).
Sondagklasse
Sondagskoolklasse word op die eerste en derde Sondae van die maand gehou. Klasgroottes sal wissel gebaseer op die behoeftes van elke wyk (sien 13.3). Sondagskoolonderwysers gebruik die skrifture, geskeduleerde lesse in Come, Follow Me [Kom, Volg My], en die woorde van hedendaagse profete as hul belangrikste hulpbronne vir onderrig.
Tuisgesentreerde Leer
Ouers is verantwoordelik om die evangelie aan hulle kinders te leer (sien 13.5). Sondagskoolonderwysers en -leiers moedig lede aan om hul eie inspirasie te soek oor hoe om die evangelie in hul tuistes te bestudeer en te onderrig (sien 17.2).
Onderwysersraadsvergaderings
Raadgewers staan die Sondagskoolpresident by deur onderwysersraadsvergaderings te organiseer en uit te voer. Onderwysers beraadslaag saam oor beginsels van onderrig volgens Christus se wyse in onderwysersraadsvergaderings. Hulle beraadslaag ook oor hoe om evangeliese leer en onderrig te verbeter. Teaching in the Savior’s Way [Onderrig Volgens die Saligmaker se Manier] word as ʼn hulpbron gebruik (sien 17.4). Hierdie vergaderings word kwartaalliks gedurende klastyd op Sondag gehou en word gewoonlik deur die Sondagskoolpresident gelei (sien 13.4).
Onderwysersraadsvergaderings vir Ouers
Raadgewers staan die Sondagskoolpresident by deur onderwysersraadsvergaderings vir ouers te organiseer en uit te voer. Hierdie vergadering volg dieselfde formaat as gewone onderwysersraadsvergaderings, maar in hierdie geval word ouers genooi om dit by te woon. Die doel is om ouers te help om beter onderwysers in hulle tuistes te word. Teaching in the Savior’s Way [Onderrig Volgens die Saligmaker se Manier] word as ʼn hulpbron gebruik (sien 17.4).
Riglyne en Beleide
Alle volwassenes wat met die jeug werk, moet die kinder- en jeugbeskermingsopleiding binne een maand nadat hulle onderskraag is, voltooi (ProtectingChildren.ChurchofJesusChrist.org). Bykomende Sondagskoolriglyne word gevind in afdeling 13.7 van die Algemene Handleiding.