Koling blong Mi Olsem Kaonsela insaed long Sandei Skul Presidensi
Ol Responsabiliti
Lod i tangkyu from tingting blong yu blong wantem givim seves insaed long Jos blong Hem. Andanit ia i wan sot lukluk long ol responsabiliti blong koling blong yu.
Ol Stamba Tingting blong Sandei Skul
Sandei Skul i stap help blong mekem wok blong God blong fasin blong sevem man mo fasin blong kam olsem wan god, i hapen. Hemia blong i helpem ol pikinini blong God blong oli lan mo laef folem gospel blong Jisas Kraes (luk long Jeneral Hanbuk: Stap Givim Seves Insaed long Jos Ia blong Jisas Kraes blong Ol Lata-dei Sent, 13.1, Gospel Laebri).
Sandei Skul Presidensi
Presiden nao i responsibol blong givim seves long wod kaonsel, mekem plan blong stap lanem Gospel mo ol tijing long hom mo long jos, mo oganaesem ol klas. Ol kaonsela blong hem oli stap helpem hem. Sandei Skul Presidensi i givim sapot, leftemap tingting, mo givim instraksen long ol tija blong oli kam moa gud taem oli stap folem ol prinsipol insaed long olgeta skripja mo Tij Folem Wei blong Sevya (luk long 13.2.2.2).
Ol Sandei Klas
Ol Sandei Skul klas oli stap tekples long evri fas mo nambatri Sandei blong manis. Ol saes blong klas bae i dipen long nid blong wanwan wod (luk long 13.3). Ol Sandei Skul tija oli yusum ol skripja, ol lesen we oli mekem plan from insaed long Kam Folem Mi, mo ol toktok blong ol profet blong tedei olsem ol stamba risos blong tijing.
Hom we I Senta blong Stap Lanem Samting
Ol papa mo mama oli responsibol blong tijim gospel long ol pikinini blong olgeta (luk long 13.5). Ol Sandei Skul lida mo ol tija oli leftemap tingting blong ol memba blong lukaotem insperesen blong olgetawan abaot wei blong stadi mo tijim gospel insaed long hom blong olgeta.(luk long 17.2).
Ol Tija Kaonsel Miting
Ol kaonsela oli helpem Sandei Skul Presiden blong oganaesem mo mekem i hapen ol tija kaonsel miting. Insaed long ol tija kaonsel miting, ol tija oli kaonsel tugeta abaot ol prinsipol blong stap tij olsem Kraes. Oli kaonsel tu abaot wei blong mekem fasin blong lanem mo tijim gospel i kam gud moa. Oli yusumTij Folem Wei blong Sevya olsem wan risos (luk long 17.4). Ol miting ia oli stap holem evri fo manis long taem blong klas long Sandei mo Sandei Skul Presiden nao i lidim (luk long 13.4).
Ol Tija Kaonsel Miting blong Ol Papa mo Mama
Ol kaonsela oli helpem Sandei Skul Presiden blong oganaesem mo mekem i hapen ol tija kaonsel miting mo ol tija kaonsel miting blong ol papa mo mama. Ol miting ia oli folem semmak fomat mo taem olsem ol nomol tija kaonsel miting, be long situesen ia, oli invaetem ol papa mo mama blong kam long miting ia. Stamba tingting ia i blong helpem ol papa mo mama i kam wan moa gud tija insaed long hom blong olgeta. Oli yusumTij Folem Wei blong Sevya olsem wan risos (luk long 17.4).
Sam Moa Gaedlaen mo Polisi
Evri adalt we oli wok wetem ol yut i mas finisim proteksen trening blong ol pikinini mo ol yut, hemia bifo wan manis i pas afta we oli sastenem olgeta (ProtectingChildren.ChurchofJesusChrist.org Sam moa Sandei Skul gaedlaen oli save faenem long seksenĀ 13.7 long Jeneral Hanbuk.