Noqu Kacivi meu Daunivakasala ena Mataveiliutaki ni Matawilivola ni Sigatabu

iTavi eso

Sa vakavinavinakataka na Turaga na nomuni lomasoli mo ni veiqaravi ena Nona Lotu. Sa koto e ra edua na rai vakararaba ni itavi ena nomu veikacivi.

iNaki ni Matawilivola ni Sigatabu

Na Matawilivola ni Sigatabu e vukea me vakayacori na Nona cakacaka ni veivakabulai kei na bula vakacerecerei na Kalou. E cakava oqo ena nodra vukei na luve ni Kalou mera vulica ka bulataka na kosipeli i Jisu Karisito (raica na iVoladusidusi Raraba: Veiqaravi e Na Lotu i Jisu Karisito ni Yalododonu Edaidai, 13.1, Gospel Library).

Mataveiliutaki ni Matawilivola ni Sigatabu

Sa nona itavi na peresitedi me veiqaravi ena matabose ni tabanalevu, raica raraba na vulici ni kosipeli kei na veivakavulici e vale kei na lotu, ka tuvalaka na veikalasi. E rau na vukei koya na nona daunivakasala. Na mataveiliutaki ni Matawilivola ni Sigatabu ena tokona, vakayaloqaqataka, ka dusimaki ira na qasenivuli mera vakayaco-ka vakalevu cake ena nodra vakamuria na ivakavuvuli ena ivolanikalou kei na Veivakavulici ena iVakarau ni iVakabula (raica na 13.2.2.2).

Veikalasi ena Sigatabu

Era dau vakayacori na kalasi ni Matawilivola ni Sigatabu ena imatai kei na katolu ni Sigatabu ena veivula. Ena duidui na lewe ni kalasi ka yavutaki mai na nodra gagadre na veitabanalevu yadua (raica na 13.3). Era vakayagataka na qasenivuli ni Matawilivola ni Sigatabu na ivolanikalou, na lesoni vakarautaki ena Lako Mai, Mo Muri Au, kei na nodra vosa na parofita ni gauna oqo me nodra ivurevure taumada ni veivakavulici.

Vuli Yavutaki e Vale

Sa nodra itavi na itubutubu mera vakatavulica na kosipeli kivei ira na luvedra (raica na 13.5). Era na veivakayaloqaqataki na qasenivuli kei na iliuliu ni Matawilivola ni Sigatabu vei ira na lewenilotu mera vakasaqara vakai ira na nodra vakauqeti ena sala mera vulica ka vakavulica kina na kosipeli ena nodra itikotiko (raica na 17.2).

Soqoni ni Matabose ni Qasenivuli

Era na veivuke na daunivakasala vei peresitedi ni Matawilivola ni Sigatabu me tauyavutaka ka vakayacora na soqoni ni matabose ni qasenivuli. Ena soqoni ni matabose ni qasenivuli, era veivosakitaka vata na qasenivuli na ivakavuvuli eso ni veivakatavulici va-Karisito. \Era veivosakitaka talega na sala me vakavinakataki kina na vulici kei na vakatavulici ni kosipeli. NaVeivakavulici ena iVakarau ni iVakabula ena vakayagataki me ivurevure (raica na 17.4). Na veisoqoni oqo edau vakayacori vakavulatolu ena gauna ni kalasi ena Sigatabu ka dau liutaki mai vua na peresitedi ni Matawilivola ni Sigatabu (raica na 13.4).

Soqoni ni Matabose ni Qasenivuli vei ira na iTubutubu

Erau na veivuke na daunivakasala vei peresitedi ni Matawilivola ni Sigatabu me tuvalaka ka vakayacora na soqoni ni matabose ni qasenivuli vei ira na itubutubu. Na soqoni oqo ena vakamuria na ituvatuva vata ga ka dau vakayacori ena matabose ni qasenivuli, ia ena soqoni oqo era sureti na itubutubu mera tiko kina. E kena inaki mera vukei na itubutubu mera qasenivuli vinaka cake ena nodra veivale. NaVeivakavulici ena iVakarau ni iVakabula ena vakayagataki me ivurevure (raica na 17.4).

iDusidusi kei na Lawatu

Sa dodonu me ra vakacavara na uabula taucoko ka cakacaka vata kei ira na itabagone na veituberi ni veitaqomaki vei ira na gonelalai kei na itabagone ena loma ni dua na vula ni nodra tokoni (ProtectingChildren.ChurchofJesusChrist.org). Na ikuri ni idusidusi ni Matawilivola ni Sigatabu era tiko ena wase e 13.7 ni iVoladusidusi Raraba.