Taabe

E kakaitau te Uea ibukin nanon ni beku n Ana Ekaretia. I nano bon kabwarabwaran kanoan tibwangam.

Oin te Kantaninga n Te Reirei n Taabati

E ibuobuoki te Reirei n Tabati ni kakoroan nanon ana mwakuri te Atua ibukin te kamaiuaki ao te karietataaki. E reke aio man buokaia natin te Atua n reirei ao ni maiuakina ana euangkerio Iesu Kristo (taraa Aeniboki ni Kabuta:Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 13.1, Gospel Library).

Beretitentii n te Reirei n Tabati

Bon taben te beretitenti kaainakin kauntiran te uoote, tararuan reiakin te euangkerio ao te angareirei n te mwenga ao te taromauri, ao bairean taian kiraati. Ana kauntira a na ibuobuoki nakoina. Te beretitentii n te Reirei n Tabati e boutokaia, e kaungaia, ao e reireiniia taan reirei bwa a na karekea te tamaroa riki man iriran tuua ake inanon koroboki aika tabu ao Angareirei n Ana kawai te Tia Kamaiu (taraa 13.2.2.2).

Kiraati n te Tabati

Kiraati n te Reirei n Tabati a karaoaki ni moan ao kateniuan Tabatin te namwakaina. E na kakaokoro mwaitia kaain te kiraati inanon te uoote teuana ma teuana ni kaitara kainnanon te uoote (taraa 13.3). Taan reirei n te Reirei n Tabati, a kabonganai koroboki aika tabu, reirei ake a baireaki n Nakomai, Iriirai, ao aia taeka burabeti ni boong aika ngkai bon oin bwaai ni ibuobuoki ibukin aia angareirei.

Reirei inanon te Mwenga

A katabeaki kaaro bwa a na reirei te euangkerio nakoia natiia (taraa 13.5). Taan reirei ma taan kairiiri n te Reirei n Tabati, a kaungaiia membwa bwa a na ukora te kairi mai ieta i bon irouia bwa a na kanga ni kamatebwaia ao n reiakina te euangkerio inanon mweengaia (taraa 17.2).

Aia Boowi Kauntira n Tia Reirei

Ana buoka te Beretitentii n te Reirei n Taabati kauntira ni bairei ao ni karaoi aia bootaki kauntira n tia reirei. N aia boowi kauntira tia reirei, a marooro taan reirei iaon tuua n aron ana angareirei Kristo. A marooro naba iaon aron katamaroan reiakinan ao te anga reirei n te euangkerio. Angareirei n Ana kawai te Tia Kamaiu bon teuana buokan te angareirei ae kabonganaki (taraa 17.4). A kakaraoaki bowi aikai ni katoa te kuata n tain te kiraati n te Tabati ao a kairaki iroun te beretitenti n Reirei n Tabati (taraa 13.4).

Bowi n Tia Reirei ibukiia Kaaro

A ibuobuoki kauntira nakon te Beretitenti n te Reirei n Tabati ni bairei ao ni karaoi aia bootaki kauntira n tia reirei ibukiia kaaro. Te boowi aei a ira tein aron babairean tain boowi n aron ae a kakaraoaki n aia bowi kauntira n tia reirei, ma n aei ao a kaoaki iai kaaro bwa a na iria. Te kantaninga bwa e na buokiia kaaro ni katamaroa riki aron aia reirei ni mweengaia. Angareirei n Ana kawai te Tia Kamaiu bon teuana buokan te angareirei ae kabonganaki (taraa 17.4).

Kainibaire ao Kaetieti

Ni kabane ikawai ake a mwakuri ma kairake a riai ni kabwanina anaan te reirei ibukin kamanoaia ataei ao kairake teuana te namwakaina man te tai are a kamatoaaki iai (ProtectingChildren.ChurchofJesusChrist.org). A kona n nooraki kainibaire riki tabeua ibukin te Reirei n Tabati inanon mwakoro 13.7 man te Aeniboki ni Kabuta.