Kūr eo Aō āinwōt juon Rikakpilōklōk ilo Būreejtōnji eo an Jabōt Jikuuļ

Eddo ko

Irooj ej m̧ōņōņō kōn wujlepļo̧k eo am̧ n̄an jerbal ilo Kabun̄ in An. Ijin ilaļ ej juon kōmeļeļe kōn eddo ko n̄an kūr eo am̧.

Un eo an Jabōt Jikuuļ

Jabōt Jikuuļ ej jipan̄ kōtōprak jerbal in lo̧mo̧o̧r eo an Anij im mour ijo eutiej tata. Ej kōm̧m̧ane menin ilo an jipan̄ ajri ro nejin Anij ekkatak im mour kōn gospel eo an Jisōs Kraist (lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 13.1, Gospel Library).

Būreejtōnji eo an Jabōt Jikuuļ

Būreejtōn eo ej eddoik im jerbal ilo ward ko̧o̧njeļ eo, lale ekkatak kōn gospel eo im katakin ilo m̧weeo im ilo m̧ōn jar eo, im ejaaki kūlaaj ko. Rikakpilōklōk ro an rej jipan̄ e. Būreejtōnji eo an Jabōt Jikuuļ eo ej jipan̄, rōjan̄, im katakin rūkaki ro n̄an erom̧ ro rewājepdik n̄an ļoor pedped in katak ko ilo jeje ko rekwojarjar im Katakin ilo Wāween eo an Rilo̧mo̧o̧r (lale 13.2.2.2).

Kūlaaj ko ilo Jabōt

Jabōt Jikuuļ kūlaaj ko rej kōm̧m̧an ilo Jabōt juon im jilu ilo kajjojo allōn̄. Jon̄an kūlaaj ko renaaj pedped ioon aikuj ko an kajjojo (lale 13.3). Rūkaki ro an Jabōt Jikuuļ rej kōjerbal jeje ko rekwojarjar, katak ko kar jikejuuļi jān Itok, Ļoor Eō, im naan ko an rikanaan ro raan kein āinwōt bar jet aer kein katakin.

M̧weeo En Jikin Ekkatak

Jinen im jemān ajri ro rej eddoik wāween ekkatak im katakin kōn gospel eo n̄an ajri ro nejier (lale 13.5). Rūkaki ro an Jabōt Jikuuļ im ritōl ro rej rōjan̄ membōr ro n̄an pukot im̧we ko aer make kōn wāween ekkatak im katakin gospel eo ilo m̧oko im̧weer (lale 17.2).

Kweilo̧k ko an Ko̧o̧njeļ eo an Rūkaki

Rikakpilōklōk ro rej jipan̄ būreejtōnj eo an Jabōt Jikuuļ n̄an ejaake im kōm̧m̧ani kweilo̧k ko an ko̧o̧njeļ eo an rūkaki Ilo kweilo̧k ko an ko̧o̧njeļ eo an rūkaki, rūkaki rej kapilōk ippān doon kōn pedped in katak ko kōn katakin āinwōt Kraist. Rej barāinwōt kapilōk kōn wāween n̄an kōkm̧anm̧anļo̧k ekkatak im katakin gospel eo. Katakin ilo Wāween eo an Rilo̧mo̧o̧r ej juon kein jipan̄ (lale 17.4). Kweilo̧k kein rej kōm̧m̧an kajjojo kuwōta ilo iien kūlaaj ko ilo Jabōt im ekkā an tōl jān būreejtōn eo an Jabōt Jikuuļ (lale 13.4).

Kweilo̧k ko an Ko̧o̧njeļ n̄an Pāāren ro

Rikakpilōklōk ro rej jipan̄ būreejtōn eo an Jabōt Jikuuļ n̄an ejaake im kōm̧m̧ani kweilo̧k ko an ko̧o̧njeļ eo an rūkaki pāāren ro. Kweilo̧k kein rej ļoor ejja jekjek eo āinwōt kweilo̧k ko an ko̧o̧njeļ eo an rūkaki, bōtaab ilo jekjek in pāāren ro rej ruwainene n̄an pād. Jipadpad eo ej n̄an pāāren ro bwe en em̧m̧an ļo̧k aer katakin ilo m̧weeo. Katakin ilo Wāween eo an Rilo̧mo̧o̧r ej juon kein jerbal (lale 17.4).

Unin Tōl im Kakien Ko Jet

Aolep rūtto ro rej jerbal ippān jodikdik ro rej aikuj kadedeikļo̧k kaminene eo n̄an kōjparok ajri ro im jodikdik ro ilowaan juon allōn̄ jān iien eo kar rejtake er (ProtectingChildren.ChurchofJesusChrist.org Kakkobaba n̄an unin tōl ko n̄an Jabōt Jikuuļ repād ilo jekjen 13.7 in Bok in Bōk Meļeļe Eļap.