Ti Calling-ko a kas Mamagbaga iti Korum dagiti Teacher
Dagiti Pagrebbengan
Agyamyaman ti Apo iti kinatallugodmo nga agserbi iti Simbaanna. Adda iti baba ti pakagupgopan dagiti pagrebbengan iti calling-mo.
Panggep ti Aaronic Priesthood
Tulongan dagiti korum ti Aaronic Priesthood dagiti agtutubo a lallaki a mangaramid ken mangtungpal kadagiti sagrado a katulagan ken mangpauneg iti kumbersionda ken ni Jesucristo ken iti ebangheliona. Ti panggep ti maysa a korum ket tapno matulongan dagiti priesthood holder nga agtitinnulong a makiraman iti aramid ti Dios iti pannakaisalakan ken pannakaitan-ok. (Kitaen iti Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw, 10.1, Gospel Library.)
Korum dagiti Teacher
Kumappeng dagiti agtutubo a lallaki iti korum dagiti teacher mangrugi iti Enero iti tawen a panagtawenda iti 14. Iti daytoy a gundaway maikarida pay a maordenan a teacher no nakasagana ken maikarida. Addaan dagiti teacher iti isu met laeng a pagrebbengan a kas kadagiti deacon. Isaganada pay ti sakramento ken agserbida kas ministering brother. Nailadawan dagiti mainayon a pagrebbengan iti Doktrina ken Katulagan 20:53–59; 84:111. (Kitaen iti 10.1.3.2.)
Mamagbaga
Dagiti mamagbaga ti korum dagiti teacher suportaranda ti presidente kadagiti pagrebbenganna, agraman ti panangidaulo kadagiti panagkagumaan ti korum iti pannakiraman iti aramid ti Dios iti pannakaisalakan ken pannakaitan-ok; panangam-ammo ken panagserbi iti tunggal miembro ti korum, agraman dagiti saan a dumardar-ay kadagiti miting ti korum; panangpapigsa kadagiti baro ken agsubsubli a miembro; panangisuro kadagiti miembro ti korum kadagiti pagrebbenganda iti priesthood; ken panagplano ken panangiturong kadagiti miting ti korum (kitaen iti 10.4.2). Nasken a regular nga agmiting ti panguluen ti korum (kitaen iti 10.4.3).
Serbisio ken dagiti Aktibidad
Ti bishopric ken dagiti lider ti korum dagiti agtutubo, a suportaran dagiti mamalbalakad, ket mangplano iti serbisio ken dagiti aktibidad. Nasken a tumulong dagitoy a mangipatungpal iti aramid ti pannakaisalakan ken pannakaitan-ok. Nasken a natimbengda kadagiti uppat a tay-ak ti personal a panagdur-as: espiritual, sosial, pisikal, ken intelektual. (Kitaen iti 10.2.1.3.)
Dagiti Pangiwanwan ken Annuroten
Dagiti mainayon a pangiwanwan ken annuroten, agraman ti panangsuporta kadagiti agtutubo a lallaki nga addaan iti pagkurangan, panangawat kadagiti emblem ti Ubbing ken Agtutubo, ken panagummong kadagiti daton iti panagayuno, ket masarakan iti benneg 10.8 ti Sapasap a Handbook.