Lin b’oqb’al jo’ aj tenq’ aj k’ehol na’leb’ sa’ li awa’b’ejil re lix molamebʼ laj tzolonel

Li k’a’ru teneb’anb’il

Nasaho’ xch’ool li Qaawa’ naq wan aach’ool chi k’anjelak sa’ lix Iglees a’an. Rub’el a’in wan jun xtusulal li k’a’ru teneb’anb’il sa’ laa b’oqb’al.

Li rajom li Tijonelil re Aaron

Eb’ li molam sa’ li Tijonelil re Aaron naxtenq’aheb’ li saaj winq chixk’ulb’aleb’ ut chixpaab’ankileb’ li loq’laj sumwank ut chixchamob’resinkil lix jalajik xch’ooleb’ rik’in li Jesukristo ut lix evangelio. Li rajb’al jun molam a’an xtenq’ankileb’ li xe’k’uluk re li tijonelil chi k’anjelak sa’ komonil sa’ xk’anjel li Dios re li kolb’a-ib’ ut li taqenaqil loq’al. (Chi’ilmanq Jolomil K’anjenel Hu: Li k’anjelak sa’ lix Iglees li Jesukristo reheb’ laj Santil Paab’anel sa’ Roso’jikeb’ li Kutan, 10.1, Biblioteca del Evangelio.

Lix molameb’ laj tzolonel

Eb’ li saaj winq neke’ok sa’ lix molameb’ laj tenq’anel sa’ xtiklajik li enero re li chihab’ te’xket wi’ 14 chihab’. Sa’ li kutan a’an naru ajwi’ te’k’ojob’aaq jo’ aj tzolonel wi kawresinb’ileb’ ut k’ulub’ejeb’. Eb’ laj tzolonel wan xteneb’ankileb’ jo’ chanru eb’ laj tenq’anel. Jo’kan ajwi’ neke’xkawresi li loq’laj wa’ak, ut neke’k’anjelak jo’ aj ilol komon. Xkomoneb’ chik lix teneb’ankileb’ wankeb’ chi ch’olob’anb’il sa’ Tzol’leb’ ut Sumwank 20:53–59; 84:111. (Chi’ilmanq 10.1.3.2.)

Laj tenq’ aj k’ehol na’leb’

Eb’ laj tenq’ aj k’ehol na’leb’ sa’ lix molameb’ laj tzolonel, neke’xtenq’a li awa’b’ej sa’ lix k’anjel, jo’ xb’eresinkil li molam sa’ xb’aanunkil lix k’anjel li Dios re li kolb’a-ib’ ut li taqenaqil loq’al; xnawb’aleb’ ru ut k’anjelak chiruheb’ li komon sa’ li molam, jo’eb’ ajwi’ li ink’a’ yookeb’ chi wulak sa’eb’ li ch’utam re molam; xkawob’resinkileb’ li ak’ komon ut li yoookeb’ chi sutq’iik; xk’utb’al chiruheb’ li komon sa’ li molam k’a’ru teneb’anb’il sa’ xb’eeneb’ sa’ li tijonelil; ut xk’uub’ankileb’ ut xb’eresinkileb’ li ch’utam re molam (chi’ilmanq 10.4.2). Li awa’b’ejil re li molam neke’xch’utub’ rib’ chi kok’ aj xsa’ (chi’ilmanq 10.4.3).

Li k’anjelak chiru as iitz’inb’ej ut eb’ li kok’ k’anjel

Li obiispil rochb’eeneb’ li saaj aj jolominel sa’eb’ li molam, chi tenq’anb’ileb’ xb’aaneb’ laj k’anjenel, neke’xk’uub’eb’ li kok’ k’anjel ut li k’anjelak chiruheb’ li qas qiitz’in. Tento naq eb’ li k’anjel a’in te’tenq’anq chixtz’aqob’resinkil ru li k’anjel re li kolb’a-ib’ ut li taqenaqil loq’al Tento xb’aanunkileb’ sa’ li junjunq reheb’ li kaahib’ chi na’leb’ re k’iik: sa’ musiq’ej, sa’ komonil wank, sa’ tib’elej, ut sa’ k’a’uxleb’aal. (Chi’ilmanq 10.2.1.3.)

Li b’eresink ut li chaq’rab’ink

Naru natawman xkomon chik li b’eresink ut li chaq’rab’ink, jo’ xtenq’ankileb’ li saaj winq wankeb’ xmajelal, xk’ulb’aleb’ li eetalil reheb’ li Kok’al ut li Saaj, ut xch’utub’ankileb’ li mayej re kuyuk sa’, sa’ li tasal 10.8 re li Jolomil K’anjenel Hu.