Koling blong Mi olsem wan Kaonsela insaed long Presidensi blong Ol Yang Woman

Ol Responsabiliti

Lod i tangkyu from tingting blong yu blong wantem givim seves insaed long Jos blong Hem. Andanit ia i gat wan sot lukluk blong ol responsabiliti blong koling blong yu.

Stamba Tingting blong Ol Yang Woman

Oganaesesen blong Ol Yang Woman i helpem ol pikinini gel blong God blong rere blong gobak stap wetem Hem, long ples blong Hem. Hemia i helpem ol yang woman blong oli mekem mo oli kipim ol tabu kavenan, mo tu, blong oli mekem ol dip jenis long laef blong olgeta i go long Jisas Kraes mo gospel blong Hem. Insaed long ol klas blong olgeta, ol yang woman oli givim seves long ol narawan, oli mekem ol kavenan responsabiliti blong olgeta, oli bildimap yuniti, mo oli lan mo laef folem doktrin. Luk long Jeneral Hanbuk: Stap Givim Seves Insaed long Jos Ia blong Jisas Kraes blong Ol Lata-dei Sent, 11.1 1,.)

Ol Kaonsela

Presiden mo ol kaonsela oli givhan long ol yang woman taem oli stap laef olsem ol disaepol blong Jisas Kraes. Oli stap tijim ol klas presidensi abaot ol responsabiliti blong olgeta mo givim sapot (luk long 11.3.2). Ol kaonsela tu oli stap sapotem presiden wetem ol rekod, ol ripot mo ol faenens.

Yut Lidasip

Presidensi blong Ol Yang Woman i sapotem ol lida blong yut. Ol klas presiden oli givim seves long wod yut kaonsel. Ol klas presidensi oli lidim mo givhan long ol yang woman taem oli kam kolosap long Sevya mo tekpat long wok blong God blong sevem man mo kam olsem wan god. Wetem sapot blong ol adalt lida, olgeta i mekem ol plan blong seves projek, ol aktiviti, mo ol Sandei miting (luk long 11.3.4.2).

Ol Sandei Klas

Ol bisoprik mo ol adalt lida blong Ol Yang Woman oli prea mo disaed olsem wanem blong oganaesem ol klas i folem yia blong olgeta. Oli tingting long ol janis blong lidasip blong ol yang woman. Wanwan klas, i nomata se klas i smol o i bigwan, i mas gat wan presiden mo, taem i posibol, i gat wan o tu kaonsela mo wan sekretari (luk long 11.1.3).

Seves mo Ol Aktiviti

Ol adalt lida, oli sapotem ol klas presidensi blong mekem ol plan blong givim seves mo ol aktiviti we i bildimap ol testemoni, mekem ol famli oli kam strong, mekem yuniti insaed long klas i kam moa strong, mo i givim ol janis blong blesem ol narawan (luk long 11.2.1.3). Ol seves mo ol aktiviti i wan janis blong karem i kam tugeta ol yut mo blong serem glad blong stap laef folem gospel mo tekpat long bigfala wok ia blong Lod.

Sam Moa Gaedlaen mo Polisi

Evri adalt we oli wok wetem ol pikinini mo ol yut oli mas finisim proteksen trening blong ol pikinini mo ol yut, hemia bifo wan manis i pas afta we oli sastenem olgeta (ProtectingChildren.ChurchofJesusChrist.org). Ol gaedlaen mo ol polisi abaot ol yang woman wetem disabiliti, ol simbol blong ol yut, mo plante moa yu save faenem long seksen11.6 blong Jeneral Hanbuk.