Akong Calling isip Magtatambag sa Kapangulohan sa Young Women
Mga Responsibilidad
Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga reponsibilidad sa imong calling.
Katuyoan sa Young Women
Ang organisasyon sa Young Women nagtabang sa hinigugmang anak nga mga babaye sa Dios nga makaandam sa pagbalik ngadto sa Iyang presensya. Kini nagtabang sa mga batan-ong babaye sa paghimo ug pagtuman og sagrado nga mga pakigsaad ug pagpalig-on sa ilang pagkakabig ngadto ni Jesukristo ug sa Iyang ebanghelyo. Sa ilang mga klase, ang mga batan-ong babaye moserbisyo sa uban, motuman sa mga responsibilidad sa pakigsaad, mopalambo og panaghiusa, ug mokat-on ug mosunod sa doktrina. (Tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 11.1.1.)
Mga Magtatambag
Ang presidente ug mga magtatambag mangalagad ngadto sa mga batan-ong babaye samtang sila mahimong mga disipulo ni Jesukristo sa tibuok kinabuhi. Sila motudlo sa mga kapangulohan sa klase kabahin sa ilang mga responsibilidad ug mohatag og suporta (tan-awa sa 11.3.2). Ang mga magtatambag mosuporta usab sa presidente bahin sa mga rekord, mga report, ug mga panalapi.
Pagpangulo sa Kabatan-onan
Ang kapangulohan sa Young Women mosuporta sa mga lider sa kabatan-onan. Ang mga presidente sa klase moserbisyo sa konseho sa kabatan-onan sa ward. Ang mga kapangulohan sa klase mangulo ug mangalagad ngadto sa mga batan-ong babaye samtang sila mopaduol ngadto sa Manluluwas ug moapil sa buhat sa Dios sa kaluwasan ug kahimayaan. Uban sa suporta sa hamtong nga mga lider, sila magplano og mga proyekto sa pagserbisyo, mga kalihokan, ug mga miting sa Dominggo (tan-awa sa 11.3.4.2).
Mga Klase sa Dominggo
Ang mga bishopric ug ang mga hamtong nga mga lider sa Young Women magmainampoong mohukom unsaon sa pag-organisar ang mga klase sumala sa edad. Sila mokonsiderar sa mga oportunidad sa pagpangulo alang sa mga batan-ong babaye. Ang matag klase, bisan unsa ang gidak-on, kinahanglang adunay presidente ug, kon posible, usa o duha ka magtatambag ug usa ka secretary (tan-awa sa 11.1.3).
Serbisyo ug mga Kalihokan
Ang mga kapangulohan sa klase, nga gisuportahan sa hamtong nga mga lider, magplano og serbisyo ug mga kalihokan nga mopalambo og mga pagpamatuod, molig-on og mga pamilya, mopasiugda og panaghiusa sa klase, ug mohatag og mga oportunidad sa pagpanalangin sa uban (tan-awa sa 11.2.1.3). Ang mga pagserbisyo ug ang mga kalihokan mga oportunidad sa pagpundok sa kabatan-onan ug sa pagpakigbahin sa kalipay sa pagpuyo sa ebanghelyo ug pag-apil sa dakong buhat sa Ginoo.
Mga Lagda ug mga Palisiya
Ang tanang hamtong nga naglihok uban sa kabataan ug kabatan-onan kinahanglang mokompleto sa Pagbansay sa Pagpanalipod sa Kabataan ug Kabatan-onan sulod sa usa ka bulan human mapaluyohi (ProtectingChildren.ChurchofJesusChrist.org). Mga lagda ug mga palisiya kabahin sa mga batan-ong babaye nga adunay kakulangan, mga simbolo sa kabatan-onan, ug dugang pa makita sa seksiyon 11.6 sa Kinatibuk-ang Tamdanan nga Basahon.