Nakoau ae te Kauntira n te Beretitentii irouia Ataeinnaine
Taabe
E kakaitau te Uea ibukin nanom ni beku n Ana Ekaretia. I nano bon kabwarabwaran tabem n te nakoa are ko taua.
Oin te Kantaninga ibukiia Ataeinnaine
E buokiia natin te Atua aika aine te Bootaki n Ataeinnaine ni katauraoia n oki Nakoina. E buokiia ataeinnaine ni karaoi ao ni kawakin berita aika tabu ao ni kananoa rairakiia nakon Iesu Kristo ao Ana Euangkerio. N aia kiraati, a beku ataeinaine ibukiia tabeman, a karaoi tibwangaia, a karekea te katiteuanaki, ao a reiakin ao a maiuakin reirei aika tabu. (Taraa Aeniboki ni Kabuta: Beku inanon Ana Ekaretia Iesu Kristo ibukiia Aika Itiaki ni Boong aika Kaitira, 11.1.1.)
Kauntira
A ibuobuoki te beretitenti ao ana kautira nakoia ataeinnaine ngkai a riki bwa ana reirei Iesu Kristo i nanon maiuia. A reireiniia beretitentii n taian kiraati aron tibwangaia ao a karekei boutoka nakoia (taraa 11.3.2). A boutokaia aia beretitenti naba kauntira ma tauan mwiin bwaai, ribooti, ao te mwane.
Taan Kairiiri n te Roronrikirake
E boutokaia taan kairiiri n te roronrikirake te Beretitentii n te Bootaki n Ataeinaine. A beku beretitenti ni kiraati n te kauntira ibukia kairake n te uoote. A kairiiri ao a ibuobuoki beretitentii ni kiraati nakoia ataeinnaine ngkai a kaniia riki nakon te Tia Kamaiu ao ni ira buakon ana mwakuri te Atua n te kamaiuki ao te karietaataaki. N raonaki ma aia boutoka taan kairiiri irouia ikawai, a bairei mwakuri ni karikirake, waaki ni kakukurei, ao boowi n Tabati (taraa 11.3.4.2).
Kiraati n te Tabati
A tataromwaaka Bitiobiriki ao taan kairiiri irouia Ataeinnaine ni baaireia aron barongaakia kiraati nakon aia ririki. A iangoi waaki ni kairiiri ibukiia ataeinnaine. Kiraati nako, n aki wareka buburaia, a riai n iai aia beretitenti ao, ngkana e riai, temanna ke uoman kauntira ao te tia koroboki (taraa 11.1.3).
Mwakuri n Ibuobuoki ao Waaki ni Kakukurei
Beretitentii n taian kiraati, a boutokaia aia taan kairiiri ikawai, a bairei mwakuri n ibuobuoki ao waaki ni kakukurei ake a karikirakei kakoaua, kakorakoraia utu, a kaungaa te katiteuanaaki n te kiraati, ao a katauraoi tai ni kakabwaiaia tabeman (tara 11.2.1.3). Mwakuri n Ibuokuoki ao Waaki ni Kakukurei bon te tai n ikotiia kairake ao n tibwaa kakukurein maiuakinan te euangkerio ao irakin ana mwakuri te Uea ae korakora.
Kainibaire ao Kaetieti
A riai ni kabane ikawai ake a mwakuri ma ataei ao kairake ni kabwanina anaan te reirei ni kataneiai ibukin kamanoaia ataei ao kairake teuana te namwakaina man te tai are a kamatoaaki iai (ProtectingChildren.ChurchofJesusChrist.org). A kuneaki Kainibaire ao kaetieti ni kaineti ma ataeinnaine ake iai aki toamauiia, kanikina n te roronrikirake, ao a mwaiti riki n mwakoro11.6 n te Aeniboki ni Kabuta.