Eddo ko

Irooj ej m̧ōņōņō kōn wūjlepļo̧k eo am̧ n̄an jerbal ilo Kabun̄ in An. Ijin ilaļ ej juon kōmeļeļein eddo ko ilo kūr eo am̧.

Jibadbad eo an Doulul eo an Jiron̄ ro

Doulul eo an Jiron̄ ro ej jipan̄ leddik ro rejitōnbōro nejin Anij m̧aanjabpopo n̄an bar ro̧o̧lļo̧k n̄an im̧aan Mejān. Ej jipan̄ jiron̄ ro kōm̧m̧an im kōjparok bujen ko rekwojarjar im kam̧wilaļļo̧k oktak tok eo aer n̄an Jisōs Kraist im gospel eo An. Ilo kūlaaj ko aer, jiron̄ ro rej jipan̄ doon, kakūrm̧ool eddo ko an bujen eo, kalōk bōro kuk, im ekkatak im mour kōn katak eo. (Lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 11.1.1.)

Rikakpilōklōk ro

Būreejtōn eo im rikakpilōklōk ro rej jerbal in karejar n̄an jiron̄ ro ilo aer erom̧ rikaļoor ro an Jisōs Kraist toon wōt aer mour. Rej katakin kūlaaj būreejtōnji ro kōn eddo ko aer im leļo̧k jipan̄ (lale 11.3.2). Rikakpilōklōk ro rej barāinwōt jipan̄ būreejtōn eo kōn rekoot ko, riboot ko, im jāān ko.

Ritōl an Jodikdik ro

Būreejtōnji eo an Doulul eo an Jiron̄ ro rej jipan̄ ritōl ro an jodikdik ro. Kūlaaj būreejtōn ro rej pād ilo ward ko̧o̧njeļ eo an jodikdik. Kūlaaj būreejtōnji ro rej tōl im jerbal in karejar n̄an jiron̄ ro ilo aer epaakeļo̧k Rilo̧mo̧o̧r im bōk koņaer ilo jerbal in lo̧mo̧o̧r eo an Anij im mour ijo ilōn̄ tata. Kōn jipan̄ eo an ritōl ro rōrūtto, rej karōk būroojāāk in jerbal in jipan̄ ko, m̧akūtkūt ko, im kweilo̧k ilo Jabōt (lale 11.3.4.2).

Kūlaaj ko ilo Jabōt

Bisoprik ro im ritōl ro rerūtto ilo Doulul eo an Jiron̄ ro rej lukkuun jar im kāālet wāween n̄an karōk kūlaaj ko ekkar n̄an iiō ko. Rej ļōmņak kōn iien ko rem̧m̧an an ritōl n̄an jiron̄ ro. Kajjojo kūlaaj, jekdo̧o̧n ewi dettan, aikuj wōr juon an būreejtōn im, n̄e emaron̄, juon ak ruo rikakpilōklōk im juon rijeje (lale 11.1.3).

Jerbal in Jipan̄ im M̧akūtkūt ko

Kūlaaj būreejtōnji ro, jipan̄ jān ritōl ro rūtto, karōk jerbal in jipan̄ im m̧akūtkūt ko me rej kalōk naan in kam̧ool ko, kōkajoorļo̧k baam̧le ko, kobaik kūlaaj eo ippān doon, im leļo̧k iien ko rem̧m̧an n̄an kōjeraam̧m̧an ro jet (lale 11.2.1.3). Jerbal in jipan̄ im m̧akūtkūt ko rej juon iien em̧m̧an n̄an aiin jodikdik ro im kwaļo̧k lan̄lōn̄ eo ej itok jān mour kōn gospel eo im bōk koņaer ilo jerbal eo ekajoor an Irooj.

Unin Tōl im Kakien ko

Aolep rūtto ro rej jerbal ippān ajri ro im jodikdik ro rej aikuj kadedeikļo̧k kaminene eo n̄an Kōjparok Ajri ro im Jodikdik ro (Protecting Children and Youth) ilowaan juon allōn̄ jān iien eo kar rejtake (ProtectingChildren.ChurchofJesusChrist.org). Unin tōl ko im kakien ko ikkijien jiron̄ ro ewōr utamwe in ānbwin ko, kakōļļe (emblem) ko an jodikdik ro, im elōn̄ļo̧k rej pād ilo jekjōn 11.6 an Bok in Bōk Meļeļe Eļap.