Koling blong Mi olsem wan Presiden blong Kworom blong Ol Dikon

Ol Responsabiliti

Lod i glad from tingting blong yu blong wantem givim seves insaed long Jos blong Hem. Andanit ia i wan sot lukluk long ol responsabiliti blong koling blong yu.

Stamba tingting blong Aronik Prishud

Ol kworom blong Aronik Prishud oli helpem ol yang man blong oli mekem mo kipim ol tabu kavenan, mo tu, blong oli mekem ol dip jenis long laef blong olgeta i go long Jisas Kraes mo gospel blong Hem. Stamba tingting blong gat wan kworom hem i blong helpem ol brata we oli holem prishud blong wok tugeta blong tekempat long wok blong God blong fasin ia blong sevem man mo fasin blong kam olsem wan god, i hapen. (Luk long Jeneral Hanbuk: Stap Givim Seves long Jos Ia blong Jisas Kraes blong Ol Lata-dei Sent, 10.1,Gospel Laebri.)

Kworom blong Ol Dikon

Ol yang man oli joenem kworom blong ol dikon stat long Jenuware blong yia we oli kasem 12 yia. Long taem ia, oli save odenem olgeta oli kam ol dikon sapos oli rere mo sapos oli klin inaf. Ol diuti ia i tekem tu, taem oli pasem sakramen mo stap helpem bisop blong “lukaotem evri samting we i blong laef long wol ia” (Doktrin mo Ol Kavenan 107:68 (Luk long 10.1.3.1.)

Presiden

Ol presiden blong kworom blong ol dikon oli sapotem presiden long ol responsabiliti blong hem, we i tekem tu, blong stap lidim ol wok blong kworom blong tekempat long wok blong God long fasin ia blong sevem man mo kam olsem wan god; blong stap kam blong save mo givim seves long wanwan memba blong kworom, we i tekem tu olgeta we oli no stap kam long ol miting blong kworom; blong stap mekem ol niu memba mo olgeta we oli stap kambak, oli kam moa strong; blong stap tijim ol memba blong kworom abaot ol prishud wok blong olgeta; mo blong stap mekem plan mo lidim ol miting blong kworom (luk long 10.4.2). Ol kaonsela blong hem oli sapotem hem long ol responsabiliti blong hem. Presidensi blong kworom i mas stap mit tugeta evri taem (luk long 10.4. 3).

Yut Kaonsel

Presiden blong Kworom blong blong ol dikon i wan memba blong wod yut kaonsel. Stamba tingting blong gat wod yut kaonsel hem i blong helpem ol yut blong tekem ol narawan oli kam long Jisas Kraes, mo blong mekem wok blong fasin ia blong sevem man mo fasin blong kam olsem wan god, i hapen. Bisop i prisaed ova long wod yut kaonsel. (Luk long 10.4.4.)

Seves mo Ol Aktiviti

Bisoprik mo ol lida blong ol yut kworom, we ol advaesa oli sapotem, oli mekem plan blong holem ol seves mo ol aktiviti. Hemia i sapos blong help blong mekem wok ia blong fasin blong sevem man mo mekem oli kam olsem wan god, i hapen. Oli mas gat balens long ol fofala eria blong kam antap olgetawan: long saed blong spirit, long saed blong sosol laef, long saed blong bodi, mo long saed blong waes. (Luk long 10.2.1.3.)

Ol Gaedlaen mo Polisi

Yu save faenem sam moa gaedlaen mo ol polisi, we i tekem tu hemia blong stap sapotem ol yang man wetem disabiliti, stap kasem ol simbol blong Ol Pikinini mo Yut, blong stap karem ol fas ofring i kam tugeta, insaed long seksen ,10.8, blong Jeneral Hanbuk.