Noqu Veikacivi vakaPeresitedi ni Kuoramu ni iTalatala Qase

iTavi eso

E vakavinavinakataka na Turaga na nomu lomasoli mo veiqaravi ena Nona Lotu. E tiko era na ivakamacala raraba ni itavi ena nomu veikacivi.

Inaki ni Matabete vaka Eroni

Na veikuoramu ni Matabete i Eroni e vukei ira na cauravou me ra cakava ka maroroya na veiyalayalati tabu ka vakatitobutaka na nodra saumaki vei Jisu Karisito kei na Nona kosipeli. Na inaki ni dua na kuoramu sai koya na nodra vukei na lewe ni matabete me ra cakacaka vata ka vakaitavi ena Nona cakacaka ni veivakabulai kei na bula vakacerecerei na Kalou. (Raica na iVoladusidusi Raraba: Veiqaravi ena Lotu i Jisu Karisito ni Yalododonu Edaidai, 10.1Valenivola Vakosipeli.)

Kuoramu ni Dikoni

Era na lewena na kuoramu ni dikoni na cauravou tekivu ena Janueri ni yabaki era sa yabaki 12 kina. Ena gauna oqo sa rawa talega ni ra tabaki me dikoni kevaka era sa vakarau tu ka kilikili kaya. Na itavi tale eso e oka kina na votai ni sakaramede ka vukea na bisopi ena kena “qaravi na veika vakayago” (Vunau kei na Veiyalayalati 107:68 (Raica na 10.1.3.1

Peresitedi

Na itavi nei peresitedi ni kuoramu ni dikoni e oka kina na kena liutaki na sasaga ni kuoramu ena vakaitavi ena cakacaka ni Kalou ni veivakabulai kei na bula vakacerecerei; kilai ira ka qaravi ira yadua na lewe ni kuoramu, oka kina o ira era sega ni dau tiko ena soqoni ni kuoramu; vaqaqacotaki ni lewenilotu vou kei ira era lesu mai; vakavulici ira na lewe ni kuoramu ena nodra itavi vakamatabete; kei na tuvanaki kei na liutaki ni bose ni kuoramu (raica na 10.4.2). Eratou tokoni koya na nona daunivakasala ena nona itavi. Me ratou dau sota wasoma na mataveiliutaki ni kuoramu (raica na 10.4.3).

Matabose ni iTabagone

Na peresitedi ni kuoramu ni dikoni e lewe ni matabose ni itabagone ni tabanalevu. Na inaki ni matabose oqo me vukei ira na itabagone mera kauti ira mai na itabagone vei Jisu Karisito ka veivuke ena kena rawati na cakacaka ni veivakabulai kei na bula vakacerecerei. Ena vakatulewa o bisopi ena matabose ni itabagone ena tabanalevu. (Raica na 10.4.4.)

Veiqaravi kei na iTaviqaravi

Eratou na tuvalaka na matabisopi kei na veiliutaki ni kuoramu ni itabagone, ena nodra veitokoni na dauvakasala, na ituvatuva ni veiqaravi kei na itaviqaravi. Oqo ena vukea na kena vakayacori na cakacaka ni veivakabulai kei na bula vakacerecerei. E dodonu me ra vakatautauvatataki ena va na iwasewase ni tubu yadudua: vakayalo, veimaliwai, vakayago, kei na vakasama. (Raica na 10.2.1.3

iDusidusi kei na Lawatu

Na ikuri ni idusidusi kei na lawatu, oka kina na nodra tokoni na cauravou vakaleqai tu vakayago, ciqomi ni ivakatakilakila ni Gonelalai kei na iTabagone, kei na soqoni ni isolisoli ni lolo, era sa kunei ena iwasewase 10.8 ni iVoladusidusi Raraba.