Nakoau ae te Beretitenti n te Kooram n Riikan

Mwioko

E kakaitau te Uea ibukin nanom ni kan beku n Ana Ekaretia. Aika a oti i nano bon rinanoakin mwioko ibukin weteam.

Te Kantaninga n te Nakoanibonga ae te Aaron

Kooram n te Nakoanibonga ae te Aaron a buokiia ataeinimwaane ni karaoi ao ni kawakini berita aika tabu ao ni kamatoa rairakiia nakon Iesu Kristo ao Ana euangkerio. Te kantaninga n te kooram bwa e na buokiia naake iai irouia te nakoanibonga bwa a na bootaki ni mwakuri n ibuobuoki n ana mwakuri te Atua ibukin te kamaiuaki ao te karietataaki. (Taraa Te Aeniboki ni Kabuta: Te Beku n Ana Ekaretia Iesu Kristo Ibukiia Aika Itiaki ni Boong aika Kaitira, 10.1, Gospel Library.)

Kooram n Riikan

A kaaina te kooram n riikan ataeinimwaane ni moanaki man Tianuare n te ririki are koro iai 12 te ririki. N te tai anne a konaa naba ni katabuaki bwa ngaiia riikan ngkana a tauraoi ao a tau. Tibwangaia ake tabeua bon kabutan te toa ao buokan te bitiobi n “karaoi bwaain te maiu n rabwata ni kabane” (Reirei ao Berita aika Tabu 107:68). (Taraa 10.1.3.1.)

Beretitenti

Taben te beretitenti n te kooram n riikan bon kairan ana waaki te kooram n iriira Ana mwakuri te Atua ibukin te kamaiuaki ao te karietataaki; ni kinaia ao ni beku ibukiia kaain te kooram n ikotaki ma naake a aki kakaonimaki nakon bowin te kooram; kakorakoraaia membwa aika boou ao ake a manga oki; reireiniia kaain te kooram tabeia n te nakoanibonga; ao ni bairei ao ni kairii botakin te kooram (taraa 10.4.2). A boutokaia ana kauntira ni mwiokoana. A na boowi n taainako te beretitentii n te kooram (taraa 10.4.3).

Te Kauntira ni Kairake

Te beretitenti n te kooram n riikan bon te membwa n te kauntira ibukiia kairake n te uoote. Oin te kantaninga n te kauntira ni kairake n te uoote bon buokaia kairake bwa a na nakon Iesu Kristo ao ni buoka katiaan te mwakuri ni kamaiu ao te karietataaki. Te bitiobi ngaia ae e na tararuaa aia kauntira kairake n te uoote. (Taraa 10.4.4.)

Mwakuri n Ibuobuoki ao Waaki ni Kakukurei

Te bitiobiriki ao taan kairiiri irouia kairake, ni boutokaaki irouia taan ibuobuoki, a na bairei mwakuri n ibuobuoki ao waaki ni kakukurei. Aikai a riai n ibuobuoki ni kakoroa nanon te mwakuri ni kamaiu ao te karietataaki. A riai ni baeranti inanon aua mwakoron te maiu n rikirake: maiu n tamnei, aroia n reitaki ma aomata, marurungin te rabwata, ao te wanawana. (Taraa 10.2.1.3.)

Kainibaire ao Kaetieti

Reitakin kainibaire ao kaetieti tabeua, n ikotaki ma boutokaakia ataeinimwaane ake aki toamau, karekean kanikinaa ibukiia Ataei ao Kairake, ao rikoan angabwai n aki mamatam, a kona n reke n te tiekition aei 10.8 n te Aeniboki ni Kabuta.