Noqu Veikacivi vaka Sekeriteri ni Kuoramu ni Dikoni

iTavi eso

E vakavinavinakataka na Turaga na nomu lomasoli mo veiqaravi ena Nona Lotu. E tiko era na ivakamacala raraba ni itavi ena nomu veikacivi.

iNaki ni Peresitedi ni Matabete i Eroni

Na kuoramu ni Matabete i Eroni e vukei ira na cauravou mera cakava ka maroroya na veiyalayalati tabu ka vakatitobutaka na nodra saumaki vei Jisu Karisito kei na Nona kosipeli. Na inaki ni dua na kuoramu sa i koya na nodra vukei na lewe ni matabete me ra cakacaka vata ka vakaitavi ena Nona cakacaka ni veivakabulai kei na bula vakacerecerei na Kalou. (Raica na iVoladusidusi Raraba: Veiqaravi ena Lotu i Jisu Karisito ni Yalododonu Edaidai, 10.1, Valenivola Vakosipeli.)

Kuoramu ni Dikoni

Era lewena na kuoramu ni dikoni na cauravou tekivu ena Janueri ni yabaki era yabaki 12 kina. Ena gauna oqo e rawa talega nira tabaki me dikoni kevaka era sa vakarau tu ka kilikili kaya. Na itavi tale eso e oka kina na votai ni sakaramede ka vukea na bisopi ena kena “qaravi na veika vakayago” (Vunau kei na Veiyalayalati 107:68). (Raica na 38.2.8.2.)

Sekeriteri

Ni kacivi na sekeriteri ni kuoramu, era na vakarautaka na ulutaga ni bose ka vola na kena itukutuku. Era na vukea talega na vunivola ni tabanalevu se dua na daunivakasala ni kuoramu me na dau taura tiko na kedra iwiliwili era tiko. (Raica na 10.4.2.)

Veiqaravi kei na iTaviqaravi

E ratou na tuvalaka na matabisopi kei na veiliutaki ni kuoramu ni itabagone, ena nodra veitokoni na dauvakasala, na ituvatuva ni veiqaravi kei na itaviqaravi. Oqo ena vukea na kena vakayacori na cakacaka ni veivakabulai kei na bula vakacerecerei. E dodonu mera vakatautauvatataki ena va na iwasewase ni tubu yadudua: vakayalo, veimaliwai, vakayago, kei na vakasama. (Raica na 10.2.1.3.)

iDusidusi kei na Lawatu

Na ikuri ni idusidusi kei na lawatu, oka kina na nodra tokoni na cauravou vakaleqai tu vakayago, ciqomi ni ivakatakilakila ni Gonelalai kei na iTabagone, kei na soqoni ni isolisoli ni lolo, era sa kunei ena iwasewase 10.8 ni iVoladusidusi Raraba.