Nakoau ae te Tia Koroboki n te Kooram n Riikan

Mwioko

E kakaitau te Uea ibukin nanom ni kan beku n Ana Ekaretia. Aika a oti i nano bon rinanoakin mwioko ibukin weteam.

Te Kaantaninga n te Nakoanibonga ae te Aaron

Kooram n te Nakoanibonga ae te Aaron a buokiia ataeinimwaane ni karaoi ao ni kawakini berita aika tabu ao ni kamatoa rairakiia nakon Iesu Kristo ao Ana euangkerio. Te kantaninga n te kooram bwa e na buokiia naake iai irouia te nakoanibonga bwa a na bootaki ni mwakuri n ibuobuoki n ana mwakuri te Atua ibukin te kamaiuaki ao te karietataaki. (Taraa Aeniboki ni Kabuta: Te Beku n Ana Ekaretia Iesu Kristo Ibukiia Aika Itiaki ni Boong aika Kaitira, 10.1, Gospel Library.)

Kooram n Riikan

Ataenimwaane a kaaina te kooram n riikan ni moanaki man Tianuare n te ririki are a koro iai 12 aia ririki. N te tai anne ngkana a tau a kona naba ni katabuaki bwa ngaia riikan ngkana a tauraoi ao a tau. Tibwangaia bwa a na kabuta te toa ao ni buoka te bitiobi ni “karaoi bwaain te maiu n rabwata ni kabane” (Reirei ao Berita aika Tabu 107:68). (Taraa 10.1.3.1.)

Te Tia koroboki

Ngkana a weteaki taan koroboki ni kooram, a katauraoi akenta ibukin bowi ao taui mwiin rongorongo. A buoka naba te kiraaka n te uoote ke te aetuwaitia n te kooram n tau mwiin rooroko. (Taraa 10.4.2.)

Mwakuri n Ibuobuoki ao Waaki ni Kakukurei

Te bitiobiriki ao taan kairiri irouia kairake, ni boutokaki irouia taan ibuobuoki, a na bairei mwakuri n ibuobuoki ao waaki ni kakukurei. Aikai a riai n ibuobuoki ni kakoroa nanon te mwakuri ibukin te mwakuri ni kamaiu ao te karietataaki. A riai ni baeranti inanon aua mwakoron te rikirake: maiu n tamnei, aroia n reitaki ma aomata, marurungin te rabwata, ao te wanawana. (Taraa 10.2.1.3.)

Kainibaire ao Kaetieti

Kainibaire ao Kaetieti aika karinaki, n raonaki ma boutokakiia ataeinimwaane ake aki toamau, karekei kanikinaa ibukiia Ataei ao Kairake, ao rikoakin angabwai n aki mamatam, a kuneaki n te mwakoro 10.8 n te Aeniboki ni Kabuta.