Ti Calling-ko a kas Secretary ti Korum dagiti Deacon

Dagiti Pagrebbengan

Agyamyaman ti Apo iti kinatallugodmo nga agserbi iti Simbaanna. Adda iti baba ti pakagupgopan dagiti pagrebbengan iti calling-mo.

Panggep ti Aaronic Priesthood

Tulongan dagiti korum ti Aaronic Priesthood dagiti agtutubo a lallaki a mangaramid ken mangtungpal kadagiti sagrado a katulagan ken mangpauneg iti kumbersionda ken ni Jesucristo ken iti ebangheliona. Ti panggep ti maysa a korum ket tapno matulongan dagiti priesthood holder nga agtitinnulong a makiraman iti aramid ti Dios iti pannakaisalakan ken pannakaitan-ok. (Kitaen iti Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw, 10.1, Gospel Library.)

Korum dagiti Deacon

Kumappeng dagiti agtutubo a lallaki iti korum dagiti deacon mangrugi iti Enero iti tawen a panagtawenda iti 12. Iti daytoy a gundaway maikarida pay a maordenan a deacon no nakasagana ken maikarida. Mairaman kadagiti pagrebbengan ti panangipasa iti sakramento ken panangtulong iti bishop iti “panangannong iti amin a naindagaan a banag” (Doktrina ken Katulagan 107:68). (Kitaen iti 10.1.3.1.)

Secretary

No maawagan dagiti secretary ti korum, agisaganada kadagiti adyenda para kadagiti miting ken agisuratda kadagiti notes. Tulonganda pay ti clerk ti ward wenno maysa a mamalbalakad ti korum a mangirekord iti attendance. (Kitaen iti 10.4.2).

Serbisio ken dagiti Aktibidad

Dagiti lider ti bishopric ken lider ti krum dagiti agtutubo, a suportaran dagiti mamalbalakad, ket agplanoda iti serbisio ken dagiti aktibidad. Nasken a mangtulong dagitoy iti aramid ti pannakaisalakan ken pannakaitan-ok. Nasken a natimbengda iti uppat a tay-ak ti panagdur-as: espiritual, sosial, pisikal, ken intelektual. (Kitaen iti 10.2.1.3.)

Dagiti Pangiwanwan ken Annuroten

Dagiti nayon a pangiwanwan ken annuroten, agraman ti panangsuporta kadagiti agtutubo a lallaki nga addaan kadagiti pagkurangan, panangawat kadagiti emblem ti Ubbing ken Agtutubo, ken panangummong kadagiti daton iti panagayuno, ket masarakan iti benneg 10.8 ti Sapasap a Handbook.