Dagiti Pagrebbengan

Agyamyaman ti Apo iti kinatallugodmo nga agserbi iti Simbaanna. Adda iti baba ti pakabuklan dagiti pagrebbengan para iti calling-mo.

Panggep ti Primary

Tulongan ti Primary dagiti ubbing a makarikna iti ayat ti Nailangitan nga Amada; makasursuro maipapan iti planona iti kinaragsak; agbiag iti ebanghelio ni Jesucristo; ken mangrikna, mangbigbig, ken agtignay iti impluensia ti Espiritu Santo. Ti Primary ket panawen pay ti panagsagana, panagaramid, ken panagtungpal kadagiti sagrado a katulagan bayat ti pannakipaset dagiti ubbing iti aramid ti Dios iti pannakaisalakan ken pannakaitan-ok. (Kitaen iti Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw, 12.1.)

Nursery Leader

Maysa a sagrado a pribilehio ti panangisuro kadagiti annak ti Dios. Ti nursery ti mangtulong kadagiti ubbing a 18 a bulan agingga iti 3 a tawen a mangrikna iti ayat ti Nailangitan nga Ama ken mangsursuro maipapan iti planona iti kinaragsak. Ay-ayaten, mangisuro, ken agserbi dagiti lider ti nursery kadagiti ubbing. Ipasiguradoda met ti kinatalged ken pagimbaganda (kitaen iti 12.1.5).

Dagiti Klase ti Domingo

Mangisuro dagiti lider ti nursery manipud iti Behold Your Little Ones. Sursurotenda dagiti prinsipio iti Panangisuro iti Wagas ti Mangisalakan ken kapitulo 17 iti Sapasap a Handbook. No mangisuro dagiti nataengan kadagiti ubbing kadagiti setting ti Simbaan, nasken nga adda uray dua laeng a responsable a nataengan (kitaen iti 12.3.5).

Dagiti Pangiwanwan ken Annuroten

Amin a nataengan a makipagtrabaho kadagiti ubbing ken agtutubo ket nasken a leppasenda ti training iti Panangsaluad kadagiti Ubbing ken Agtutubo iti uneg ti makabulan a pannakakanunongda (ProtectingChildren.ChurchofJesusChrist.org). Dagiti pangiwanwan ken annuroten maipanggep kadagiti ubbing nga addaan iti pagkurangan, kasapulan iti panangtalged, ti programa dagiti Ubbing ken Agtutubo, ken dadduma pay ket masarakan iti benneg 12.5 ti Sapasap a Handbook.