ការហៅរបស់ខ្ញុំជាអ្នកដឹកនាំថ្នាក់ទារកដ្ឋាន
ការទទួលខុសត្រូវទាំងឡាយ
ព្រះអម្ចាស់មានអំណរគុណចំពោះឆន្ទៈរបស់អ្នកក្នុងការបម្រើនៅក្នុងសាសនាចក្ររបស់ទ្រង់ ។ ខាងក្រោមនេះជាទិដ្ឋភាពទូទៅមួយនៃការទទួលខុសត្រូវក្នុងការហៅរបស់អ្នក ។
គោលបំណងនៃអង្គការបឋមសិក្សា
អង្គការបឋមសិក្សាជួយឲ្យកុមារឲ្យទទួលអារម្មណ៍នៃសេចក្ដីស្រឡាញ់របស់ព្រះវរបិតាសួគ៌របស់ពួកគេ រៀនអំពីផែនការនៃសុភមង្គលរបស់ទ្រង់ រស់នៅតាមដំណឹងល្អរបស់ព្រះយេស៊ូវគ្រីស្ទ និងមានអារម្មណ៍ ស្គាល់ និងធ្វើតាមឥទ្ធិពលនៃព្រះវិញ្ញាណបរិសុទ្ធ ។ អង្គការបឋមសិក្សាក៏ជាពេលវេលាសម្រាប់រៀបចំខ្លួន ធ្វើ និងរក្សាសេចក្ដីសញ្ញាដ៏ពិសិដ្ឋ នៅពេលដែលកុមារចូលរួមនៅក្នុងកិច្ចការនៃសេចក្ដីសង្គ្រោះ និងភាពតម្កើងឡើងរបស់ព្រះផងដែរ ។ ( សូមមើល ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ, ១២.១. ) ។
អ្នកដឹកនាំថ្នាក់ទារកដ្ឋាន
ការបង្រៀនបុត្រាបុត្រីរបស់ព្រះគឺជាឯកសិទ្ធិដ៏ពិសិដ្ឋមួយ ។ ថ្នាក់ទារកដ្ឋានជួយកុមារអាយុពី ១៨ ខែ ដល់ ៣ ឆ្នាំ ឲ្យទទួលអារម្មណ៍នូវសេចក្ដីស្រឡាញ់របស់ព្រះវរបិតាសួគ៌ ហើយរៀនអំពីផែនការនៃសុភមង្គលរបស់ទ្រង់ ។ អ្នកដឹកនាំថ្នាក់ទារកដ្ឋានស្រឡាញ់ បង្រៀន និងផ្ដល់ការងារបម្រើដល់កុមារ ។ ពួកគាត់ត្រូវប្រាកដថា ទារកទារិកាមានសុវត្ថិភាព និងសុខុមាលភាព ( សូមមើល ១២.១.៥ ) ។
ថ្នាក់សាលាថ្ងៃអាទិត្យ
ថ្នាក់ដឹកនាំថ្នាក់ទារកដ្ឋានបង្រៀនចេញពីសៀវភៅ មើលន៎ កូនតូចៗរបស់អ្នករាល់គ្នា ។ ពួកគេធ្វើតាមគោលការណ៍នៅក្នុង ការបង្រៀនតាមរបៀបរបស់ព្រះអង្គសង្គ្រោះ និង ជំពូកទី ១៧ នៃ ក្បួនខ្នាតទូទៅ ។ នៅពេលមជ្ឈិមវ័យបង្រៀនកុមារនៅក្នុងមជ្ឈដ្ឋាននៃសាសនាចក្រ យ៉ាងហោចណាស់គួរមានមជ្ឈិមវ័យពីររូបដែលមានការទទួលខុសត្រូវ មានវត្តមាននៅទីនោះ ( សូមមើល ១២.៣.៥ ) ។
គោលការណ៍ណែនាំ និងគោលនយោបាយនានា
មជ្ឈិមវ័យទាំងអស់ដែលធ្វើការជាមួយកុមារ និងយុវវ័យត្រូវតែបំពេញវគ្គបណ្តុះបណ្តាលការការពារកុមារ និងយុវវ័យក្នុងរយៈពេលមួយខែក្រោយពីត្រូវបានគាំទ្រចំពោះការហៅ ( នៅលើគេហទំព័រ ProtectingChildren.ChurchofJesusChrist.org ) ។ ការណែនាំ និងគោលនយោបាយនានាដែលទាក់ទងនឹងកុមារដែលមានតម្រូវការពិសេស តម្រូវការសុវត្ថិភាព កម្មវិធីកុមារ និងយុវជន និងកម្មវិធីខ្លះទៀតអាចរកបាននៅក្នុងផ្នែក ១២.៥ នៃ ក្បួនខ្នាតទូទៅ ។