Ngaahi Fatongiá

ʻOku houngaʻia ʻa e ʻEikí ʻi hoʻo loto-fiemālie ke ngāue ʻi Hono Siasí. ʻOku ʻoatu ʻi lalo ha vakai fakalūkufua ki he ngaahi fatongia ʻi hoʻo uiuiʻí.

Taumuʻa ʻo e Palaimelí

ʻOku tokoni ʻa e Palaimelí ke ongoʻi ʻe he fānaú ʻa e ʻofa ʻa ʻenau Tamai Hēvaní; ako fekauʻaki mo ʻEne palani ʻo e fiefiá; moʻui ʻaki ʻa e ongoongolelei ʻo Sīsū Kalaisí; pea ongoʻi, ʻiloʻi, mo ngāue ʻo fakatatau mo e ivi tākiekina ʻo e Laumālie Māʻoniʻoní. Ko e Palaimelí ko ha taimi foki ia ke mateuteu, fakahoko, mo tauhi ai ʻa e ngaahi fuakava toputapú ʻi he kau ʻa e fānaú ʻi he ngāue ʻa e ʻOtuá ki he fakamoʻuí mo e hakeakiʻí. (Vakai, Tohi Tuʻutuʻuni Fakakātoá: Ko e Ngāue ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, 12.1.)

Taki Nesilī

Ko ha faingamālie toputapu hono akoʻi ʻa e fānau ʻa e ʻOtuá. ‘Oku tokoni ʻa e nesilií ki he fānau māhina ʻe 18 ki he ta‘u 3 ke nau ongoʻi ʻa e ʻofa ʻa e Tamai Hēvaní mo ʻilo ki Heʻene palani ʻo e fiefiá. Ko e kau taki nesilií ʻoku nau ʻofa, akoʻi mo ngāue fakaetauhi ki he fānaú. Te nau toe fakapapauʻi foki ʻenau malú mo ʻenau tuʻunga leleí (vakai, 12.1.5).

Kalasi ʻi he Sāpaté

ʻOku faiako ʻa e kau taki nesilií mei he Vakai ki Hoʻomou Fānau Īkí. Te nau muimui ʻi he ngaahi tefitoʻi moʻoni ʻi he Ko e Faiako ʻi he Founga ʻa e Fakamoʻuí mo e vahe 17 ʻo e Tohi Tuutuʻuni Fakakātoá. ʻI he taimi ʻoku akoʻi ai ʻe he kakai lalahí ʻa e fānaú ʻi he ngaahi meʻa faka-Siasí, ʻoku totonu ke ʻi ai ha kakai lalahi fakapotopoto ʻe toko ua pe tokolahi ange (vakai, 12.3.5).

Ngaahi Fakahinohinó mo e Ngaahi Tuʻutuʻuní

Kuo pau ke fakakakato ʻe he kakai lalahi kotoa pē ʻoku ngāue mo e fānaú mo e toʻu tupú ʻa e ako ki hono Maluʻi ʻo e Fānaú mo e Toʻu Tupú ʻi loto ʻi he māhina ʻe taha hono hikinimaʻi kinautolú (ProtectingChildren.ChurchofJesusChrist.org). ʻOku maʻu ʻa e ngaahi fakahinohino mo e ngaahi tuʻutuʻuni fekauʻaki mo e fānau ʻoku ʻi ai ʻenau ngaahi fiemaʻu makehé, ngaahi fiemaʻu ki he malú, polokalama ʻa e Fānaú mo e Toʻu Tupú, mo e ngaahi meʻa kehé ʻi he vahe 12.5 ʻo e Tohi Tuʻutuʻuni Fakakātoá.