Nakoau ae te Tia Ibuobuoki n te Kooram n Ibonga

Mwioko

E kakaitau te Uea ibukin nanom ni kan beku n Ana Ekaretia. Aika a oti i nano bon rinanoakin mwioko ibukin weteam.

Te Kantaninga n te Nakoanibonga ae te Aaron

Kooram n te Nakoanibonga ae te Aaron a buokiia ataeinimwaane ni karaoi ao ni kawakini berita aika tabu ao ni kamatoa rairakiia nakon Iesu Kristo ao Ana euangkerio. Te kantaninga n te kooram bwa e na buokiia naake iai irouia te nakoanibonga bwa a na bootaki ni mwakuri n ibuobuoki n ana mwakuri te Atua ibukin te kamaiuaki ao te karietataaki. (Taraa Te Aeniboki ni Kabuta: Te Beku n Ana Ekaretia Iesu Kristo Ibukiia Aika Itiaki ni Boong aika Kaitira 10.1, Gospel Library.)

Aia Kooram Ibonga

Ataeinimwaane a kaaina te kooram ni ibonga ni moa man Tianuare n te ririki are e koro iai 16 aia ririki. N te tai aei a tau naba ni katabuaki bwa ibonga ngkana a tauraoi ao a tau. Ibonga tii te arona tabeia ma riikan ao taan reirei. A katauraoa naba te toa ao a beku bwa taari n ibuobuoki. Tabeia riki tabeua a kabwarabwaraki i nanon Reirei ao Berita aika Tabu 20:53–59; 84:111. (Taraa 10.1.3.2.)

Te Tia Ibuobuoki

Taan ibuobuoki n te kooram n ibonga a boutoka te beretitenti n te kooram, te bitiobi, ma mwiokoana. Aio e ikotaki ma kairan te kooram n ira ana mwakuri te Atua n te mwakuri ni kamaiu ao te karietataaki; ni kinaia ao n ibuobuoki imarenaia kaain te kooram, n ikotaki ma koraki ake aki rooroko n te boowi; kakorakoraaia ake a boou ao membwa ake a manga oki; reireinaia kaain te kooram aia mwakuri n te nakoanibonga; ao babairean ao kairan boowin te kooram (taraa 10.4.2.) Te beretitentii n te kooram a na kakaraoa aia bowi n angiin te tai (taraa 10.4. 3).

Mwakuri n Ibuobuoki ao Waaki ni Kakukurei

Te bitiobiriki ao taan kairiri irouia kairake, ni boutokaki irouia taan ibuobuoki, a na bairei mwakuri n ibuobuoki ao waaki ni kakukurei. Aikai a riai n ibuobuoki ni kakoroa nanon te mwakuri ibukin te mwakuri ni kamaiu ao te karietataaki. A riai ni baeranti inanon aua mwakoron te rikirake: maiu n tamnei, aroia n reitaki ma aomata, marurungin te rabwata, ao te wanawana. (Taraa 10.2.1.3.)

Kainibaire ao Kaetieti

Kainibaire ao kaetieti riki tabeua, n ikotaki ma boutokakiia ataeinimwaane ma ake aki toamau, karekean kanikina irouia Ataei ao te Roronrikirake, ao ikotakin angabwai n aki mamatam, a kona n reke n te mwakoro 10.8 n te Aeniboki ni Kabuta.