Noqu Veikacivi vaka Sekeriteri ena Kuoramu ni Bete

iTavi eso

E vakavinavinakataka na Turaga na nomu lomasoli mo veiqaravi ena Nona Lotu. E tiko era na ivakamacala raraba ni itavi ena nomu veikacivi.

iNaki ni Matabete i Eroni

Na veikuoramu ni Matabete i Eroni e vukei ira na cauravou me ra cakava ka maroroya na veiyalayalati tabu ka vakatitobutaka na nodra saumaki vei Jisu Karisito kei na Nona kosipeli. Na inaki ni dua na kuoramu sai koya na nodra vukei na lewe ni matabete me ra cakacaka vata ka vakaitavi ena Nona cakacaka ni veivakabulai kei na bula vakacerecerei na Kalou. (Raica na iVoladusidusi Raraba: Veiqaravi ena Lotu i Jisu Karisito ni Yalododonu Edaidai 10.1, Valenivola Vakosipeli.)

Kuoramu ni Bete

Era na lewena na cauravou na kuoramu ni bete me tekivu ena Janueri ni yabaki era sa yabaki 16 kina. Kevaka era sa vakarau tu ka kilikili, sa rawa talega me ra tabaki me ra bete. Na bete e tautauvata na nona itavi kei na dikoni kei na ivakavuvuli. Sa rawa talega vei ira na bete me ra qarava na sakaramede, vakayacora na papitaiso (oka kina na papitaiso ena valetabu), ka tabaki ira na bete, ivakavuvuli, se dikoni tale eso (raica na Vunau kei na Veiyalayalati 20:46–52, 73–79; iVoladusidusi Raraba, 10.1.3.3).

Sekeriteri

Ni kacivi na sekeriteri ni kuoramu, era na vakarautaka na ulutaga ni bose ka vola na kena itukutuku. Era na vukea talega na vunivola ni tabanalevu se dua na daunivakasala ni kuoramu me na dau taura tiko na kedra iwiliwili era tiko. (Raica na 10.4.2.)

Veiqaravi kei na iTaviqaravi

Eratou na tuvalaka na bisopi kei na veiliutaki ni kuoramu ni itabagone, ena nodra veitokoni na dauvakasala, na ituvatuva ni veiqaravi kei na itaviqaravi. Oqo ena vukea na kena vakayacori na cakacaka ni veivakabulai kei na bula vakacerecerei. E dodonu me ra vakatautauvatataki ena va na iwasewase ni tubu yadudua: vakayalo, veimaliwai, vakayago, kei na vakasama. (Raica na 10.2.1.3.)

iDusidusi kei na Lawatu

Na ikuri ni idusidusi kei na lawatu, oka kina na nodra tokoni na cauravou vakaleqai tu vakayago, ciqomi ni ivakatakilakila ni Gonelalai kei na iTabagone, kei na soqoni ni isolisoli ni lolo, era sa kunei ena iwasewase 10.8 ni iVoladusidusi Raraba.