Ti Calling-ko kas Secretary iti Korum dagiti Priest

Dagiti Pagrebbengan

Agyamyaman ti Apo iti kinatallugodmo nga agserbi iti Simbaanna. Adda iti baba ti pakagupgopan dagiti pagrebbengan iti calling-mo.

Panggep ti Aaronic Priesthood

Tulongan dagiti korum ti Aaronic Priesthood dagiti agtutubo a lallaki a mangaramid ken mangtungpal kadagiti sagrado a katulagan ken mangpauneg iti kumbersionda ken ni Jesucristo ken iti ebangheliona. Ti panggep ti maysa a korum ket tapno matulongan dagiti priesthood holder nga agtitinnulong a makiraman iti aramid ti Dios iti pannakaisalakan ken pannakaitan-ok. (Kitaen iti Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw, 10.1, Gospel Library.)

Korum dagiti Priest

Kumappeng dagiti agtutubo a lallaki iti korum dagiti priest mangrugi iti Enero iti tawen nga agtawenda iti 16. No nakasaganadan ken maiparbengda, mabalin met a maordenandan a priest. Addaan dagiti priest iti isu met laeng a pagrebbengan a kas kadagiti deacon ken teacher. Mabalin met dagiti priest ti mangimaton iti sakramento, mangannong kadagiti panagbuniag (mairaman iti panagbuniag iti templo), ken mangorden kadagiti dadduma a priest, teacher, wenno deacon (kitaen iti Doktrina ken Katulagan 20:46–52, 73–79; Sapasap a Handbook, 10.1.3.3).

Secretary

No maawagan dagiti secretary ti korum, agisaganada kadagiti adyenda para kadagiti miting ken agisuratda kadagiti notes. Tulonganda pay ti clerk iti ward wenno maysa a mamalbalakad iti korum a mangirekord iti attendance. (Kitaen iti 10.4.2.)

Serbisio ken dagiti Aktibidad

Ti bishop ken dagiti lider ti korum dagiti agtutubo, a suportaran dagiti mamalbalakad, ket agplanoda iti serbisio ken dagiti aktibidad. Nasken a dagitoy ti mangtulong a mangipatungpal iti aramid ti pannakaisalakan ken pannakaitan-ok. Nasken a natimbeng dagitoy iti uppat a tay-ak ti bukod a panagdur-as: espiritual, sosial, pisikal, ken intelektual. (Kitaen iti 10.2.1.3.)

Dagiti Pangiwanwan ken Annuroten

Dagiti nayon a pangiwanwan ken annuroten, agraman ti panangsuporta kadagiti agtutubo a lallaki nga addaan iti pagkurangan, panangawat kadagiti emblem ti Ubbing ken Agtutubo, ken panangummong kadagiti daton iti panagayuno ket masarakan iti benneg 10.8 ti Sapasap a Handbook.