Tō’u pi’ira’a ’ei pāpa’i parau nō te pupu tahu’a

Te mau hōpoi’a

’Ua māuruuru roa te Fatu nō tō ’oe hina’aro ’ia tāvini i roto i tāna ’Ēkālesia. E ’ite mai ’oe i raro nei i te hō’ē hi’ora’a o te mau hōpoi’a nō tō ’oe pi’ira’a.

Te fā o te Autahu’ara’a a Aarona

E tauturu te mau pupu o te Autahu’ara’a a Aarona i te feiā ’āpī tamāroa ’ia rave ’e ’ia ha’apa’o i te mau fafaura’a mo’a, ’e ’ia fa’ahōhonu i tō rātou fa’afāriura’a ia Iesu Mesia ’e i tāna ’evanelia. Te fā a te hō’ē pupu autahu’ara’a ’o te tauturura’a ïa i te mau ta’ata tei mau i te autahu’ara’a, ’ia ’ohipa ’āmui nō te fa’aō mai i roto i te ’ohipa a te Atua nō te fa’aorara’a ’e te fa’ateiteira’a. (Hi’o Buka arata’i rahi : Te tāvinira’a i roto i Te ’Ēkālesia a Iesu Mesia i te Feiā Mo’a i te mau Mahana Hope’a nei, 10.1, Vaira’a buka ’evanelia.)

Te pupu tahu’a

E tomo te feiā ’āpī tamāroa i roto i te pupu o te mau tahu’a i te ’āva’e Tēnuare o te matahiti e ti’a ai tō rātou matahiti i te 16. Mai te mea ’ua ineine ’e ’ua ti’a mā rātou, e nehenehe ato’a rātou e fa’atōro’ahia ’ei tahu’a. Hō’ē ā ’ohipa tā te mau tahu’a ’e tā te mau diakono ’e tā te mau ha’api’i. E nehenehe ato’a te mau tahu’a e fa’atere i te ’ōro’a mo’a, e rave i te mau bāpetizora’a (mai te mau bāpetizora’a i te hiero), ’e e fa’atōro’a i te tahi atu mau tahu’a, te mau ha’api’i, ’aore rā te mau diakono (hi’o Te Ha’api’ira’a Tumu ’e te mau Fafaura’a 20:46–52, 73–79 ; Buka arata’i rahi, 10.1.3.3).

Te pāpa’i parau

’Ia pi’i-ana’e-hia te mau pāpa’i parau, e fa’aineine rātou i te mau tāpura ’ohipa nō te mau rurura’a ’e e pāpa’i i te mau mea e parauhia. E tauturu ato’a rātou i te pāpa’i parau o te pāroita ’aore rā, i te hō’ē tauturu ha’amāramarama o te pupu ’ia tāpa’opa’o i te feiā e tae mai. (Hi’o 10.4.2)

Te ’ohipa tāvinira’a ’e te mau ’ātivite

Nā te ’episekōpora’a ’e te feiā fa’atere pupu feiā ’āpī, pāturuhia ’e te mau tauturu ha’amāramarama, e fa’anaho i te tāvinira’a ’e te mau ’ātivite. E tauturu te reira i te fa’atupura’a i te ’ohipa nō te fa’aorara’a ’e te fa’ateiteira’a. ’Ia ravehia te reira i roto i nā tuha’a e maha nō te tupura’a o te ta’ata : te pae vārua, te pae tōtiare, te pae tino, ’e te pae o te ferurira’a. (Hi’o 10.2.1.3.)

Te mau arata’ira’a ’e te mau fa’aturera’a

Te tahi atu mau arata’ira’a ’e mau fa’aturera’a, mai te turura’a i te feiā ’āpī tamāroa huma, te fa’ari’ira’a i te mau pīhi nō te mau tamari’i ’e te feiā ’āpī ’e te ha’aputura’a i te mau ō ha’apa’era’a mā’a, e ’itehia ïa i roto i te tuha’a 10.8 o te Buka arata’i rahi.