Li k’a’ru teneb’anb’il

Nasaho’ xch’ool li Qaawa’ naq wan aach’ool chi k’anjelak sa’ lix Iglees a’an. Rub’el a’in wan jun xtusulal li k’a’ru teneb’anb’il sa’ laa b’oqb’al.

Li rajb’al li Tzoleb’aal reheb’ li Kok’al

Li Tzoleb’aal reheb’ li Kok’al naxtenq’aheb’ li kok’al chireek’ankil lix rahom li qaChoxahil Yuwa’; chixyu’aminkil lix evangelio li Jesukristo; ut chireek’ankil, chixk’eeb’al reetal, ut chixk’anjelankil lix hasb’ li Santil Musiq’ej. Sa’ li Tzoleb’aal reheb’ li Kok’al, eb’ li kok’al te’xkawresi rib’ choq’ reheb’ li santil sumwank, ut re te’xb’aanuheb’ ut te’xpaab’eb’ li sumwank naq neke’tz’aqon sa’ lix k’anjel li Dios re li kolb’a-ib’ ut li taqenaqil loq’al. (Chi’ilmanq Jolomil K’anjenel Hu: Li k’anjelak sa’ lix Iglees li Jesukristo reheb’ laj Santil Paab’anel sa’ Roso’jikeb’ li Kutan, 12.1.)

Li awa’b’ej ut li awa’b’ejil

Li awa’b’ejil re li Tzoleb’aal reheb’ li Kok’al neke’xtenq’aheb’ li na’b’ej yuwa’b’ej chixkawresinkileb’ lix kok’al chi ok sa’ lix b’ehileb’ li sumwank ut chi xik chi uub’ej. A’an a’in jun reheb’ lix teneb’ankil jwal nim. Li awa’b’ej nak’anjelak jo’ komon sa’ li ch’uut re teep. A’an ut eb’ laj tenq’ aj k’ehol na’leb’ neke’ch’utla chi kok’ aj xsa’ ut neke’ch’utla ajwi’ rik’in li obiisp malaj jun aj tenq’ aj k’ehol na’leb’ li k’eeb’il xtaqlankil. Li awa’b’ejil naxjolomiheb’ li ch’utam re li Tzoleb’aal reheb’ li Kok’al, li rilb’aleb’ li kok’al, eb’ laj k’utunel ut laj jolominel, ut chixjunil li k’anjel nab’aanuman sa’ li Tzoleb’aal reheb’ li Kok’al. (Chi’ilmanq 12.3.2.)

Eb’ li tzoleb’aal ut li hoonal re b’ichank

Li xtzolb’aleb’ li kok’al a’an jun k’anjel jwal loq’. Eb’ laj jolominel neke’xraheb’ ut neke’xtzoleb’ li kok’al jo’ li Kolonel. K’uub’ankileb’ li tzoleb’aal sa’ li Tzoleb’aal reheb’ li Kok’al a’ yaal xchihab’eb’ li kok’al (chi’ilmanq 12.1.3). Li hoonal re b’ichank naxtenq’aheb’ li kok’al chireek’ankil lix rahom lix Choxahil Yuwa’, ut chi tzolok chirix lix k’uub’anb’il na’leb’ re sahil ch’oolejil (chi’ilmanq 12.1.4).

Eb’ li ch’utam ut eb’ li jolomil ch’uut

Li awa’b’ejil re li Tzoleb’aal reheb’ li Kok’al neke’aatinak chirix li rajomeb’ ru li kok’al naq neke’ch’utla ut neke’aatinak rik’ineb’ laj jolominel sa’ li teep. Neke’xb’aanu a’an sa’eb’ li ch’utam rik’in li obiisp malaj laj tenq’ aj k’ehol na’leb’ li k’eeb’il xtaqlankil, li ch’uut re teep, li awa’b’ejil ut laj tz’iib’anel, eb’ li na’b’ej yuwa’b’ej, ut wankeb’ chik xkomon. (Chi’ilmanq 12.3.2.)

Eb’ laj k’utunel ut laj jolominel

Li xtzolb’aleb’ li ralal xk’ajol li Dios a’an jun k’anjel jwal loq’. Li awa’b’ejil re li Tzoleb’aal reheb’ li Kok’al naxtenq’aheb’ laj k’utunel ut laj jolominel sa’eb’ li tzoleb’aal, li na’ajej choq’ reheb’ li toj kok’eb’, ut li hoonal re b’ichank (chi’ilmanq 12.3.5). Li awa’b’ejil re li Tzoleb’aal reheb’ li kok’al neke’xk’e re li obiispil lix k’ab’a’eb’ li winq ut li ixq li te’raj naq te’k’anjelaq sa’ li Tzoleb’aal reheb’ li Kok’al ut li na’ajej choq’ reheb’ li toj kok’eb’.

Eb’ li kok’ k’anjel re li Tzoleb’aal reheb’ li Kok’al

Eb’ laj jolominel neke’k’uub’ li kok’ k’anjel li sahaq xb’aanunkileb’ ut li taarajsiheb’ ru li kok’al, ut li neke’tenq’an chixb’aanunkil lix k’anjel li Dios re li kolb’a-ib’ ut li taqenaqil loq’al. Li k’anjelak chiru as iitz’inb’ej ut eb’ li kok’ k’anjel tento te’xwaklesi li xnawom ch’oolej, te’xk’e xkawilaleb’ li junkab’al, ut te’xkanab’eb’ li komon chirosob’tesinkil li ras riitz’ineb’ Neke’b’aanuman li kok’ k’anjel re li Tzoleb’aal reheb’ li Kok’al wiib’ sut rajlal po choq’ reheb’ li kok’al li 8–11 chihab’ xyu’ameb’. (Chi’ilmanq 12.3.6.)

Li b’eresink ut li chaq’rab’ink

Chixjunileb’ li komon ak ninqeb’ li neke’k’anjelak rik’ineb’ li kok’al ut li saaj tento te’xb’aanu li tzolok chirix xkolb’aleb’ rix li kok’al ut li saaj naq maji’ jun po rokikeb’ sa’ lix b’oqb’aleb’ (ProtectingChildren.ChurchofJesusChrist.org). Li b’eresink ut li chaq’rab’ink chirixeb’ li kok’al wankeb’ xmajelal sa’ tib’elej, li kolok-ix, li k’anjeleb’aal choq’ reheb’ li kok’al ut li saaj, ut xkomon chik li na’leb’ naru natawman sa’ li tasal 12.5 of the Jolomil K’anjenel Hu.