Përgjegjësitë

Zoti është mirënjohës për gatishmërinë tuaj për të shërbyer në Kishën e Tij. Më poshtë është një vështrim i përgjithshëm i përgjegjësive për thirrjen tuaj.

Qëllimi i Fillores

Fillorja i ndihmon fëmijët të ndiejnë dashurinë e Atit të tyre Qiellor; të mësojnë rreth planit të Tij për lumturinë; të jetojnë ungjillin e Jezu Krishtit; dhe të ndiejnë, dallojnë e veprojnë sipas ndikimit të Frymës së Shenjtë. Fillorja është gjithashtu një kohë për t’u përgatitur, për të bërë dhe për të mbajtur besëlidhje të shenjta ndërsa fëmijët marrin pjesë në veprën e Perëndisë për shpëtimin dhe ekzaltimin. (Shihni te Manuali i Përgjithshëm: Shërbimi në Kishën e Jezu Krishtit të Shenjtorëve të Ditëve të Mëvonshme, 12.2.1.)

Sekretarja

Sekretarja e Fillores e ndihmon presidencën me nevojat administrative. Sekretarja e vë në dijeni presidencën për fëmijët dhe vizitorët e rinj, fëmijët që kanë të drejtë të pagëzohen dhe përparimet në klasë. Ajo ndihmon me detyrat lidhur me mbledhjen e Fillores të dielën dhe përgatit rendet e ditës dhe merr pjesë në mbledhje. Sekretarja gjithashtu punon ngushtë me mësuesit/et dhe udhëheqëset e Fillores dhe çerdhes për çështje që lidhen me fëmijët. (Shihni te 12.3.3.)

Klasat e Fillores dhe Koha e të Kënduarit

Është një privilegj i shenjtë t’u jepet mësim fëmijëve. Udhëheqëset e Fillores i duan dhe u japin mësim fëmijëve sipas mënyrës së Shpëtimtarit. Klasat e Fillores organizohen sipas moshës dhe numrit të mësuesve/eve në dispozicion (shihni te 12.1.3). Koha e të kënduarit i ndihmon fëmijët të ndiejnë dashurinë e Atit Qiellor dhe të mësojnë rreth planit të Tij për lumturinë (shihni te 12.1.4).

Aktivitetet e Fillores

Udhëheqësit/et e aktiviteteve të Fillores planifikojnë aktivitete argëtuese dhe përfshirëse që ndihmojnë në përmbushjen e veprës së Perëndisë për shpëtimin dhe ekzaltimin. Shërbimi dhe aktivitetet duhet të ndërtojnë dëshmitë, të forcojnë familjet dhe të sigurojnë mundësi për t’i bekuar të tjerët. Aktivitetet e Fillores në përgjithësi zhvillohen dy herë në muaj për fëmijët e moshave 8–11 vjeç. (Shihni te 12.3.6.)

Orientimet dhe Rregulloret

Të gjithë personat në moshë madhore që punojnë me fëmijët dhe rininë, duhet të kryejnë trajnimin “Mbrojtja e Fëmijëve dhe e Rinisë” brenda një muaji nga dita e mbështetjes (ProtectingChildren.ChurchofJesusChrist.org). Orientimet dhe rregulloret në lidhje me fëmijët me nevoja të veçanta, kërkesat për sigurinë, programi ‘Fëmijët dhe Rinia’ dhe të tjera gjenden te pjesa 12.5 e materialit Manuali i Përgjithshëm.