Akong Calling isip usa ka Secretary sa Primary

Mga Responsibilidad

Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga reponsibilidad sa imong calling.

Katuyoan sa Primary

Ang Primary nagtabang sa kabataan nga mobati sa gugma sa ilang Langitnong Amahan; makat-on mahitungod sa Iyang plano sa kalipay; mosunod sa ebanghelyo ni Jesukristo; ug mobati, moila, ug molihok sa impluwensya sa Espiritu Santo. Ang Primary usa usab ka panahon sa pagpangandam alang sa, mohimo, ug motuman sa sagrado nga mga pakigsaad samtang ang mga bata moapil diha sa buhat sa Dios sa kaluwasan ug kahimayaan. (Tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 12.1.)

Secretary

Ang secretary sa Primary motabang sa kapangulohan sa administratiba nga mga panginahanglan. Ang secretary mopahibalo sa kapangulohan sa bag-o nga kabataan ug mga bisita, kabataan nga angay nang bunyagan, ug mga pag-advance sa laing klase. Siya motabang sa mga buluhaton sa matag Dominggo nga miting sa Primary ug mag-andam sa mga hilisgotan ug motambong og mga miting. Ang secretary suod nga makigtambayayong sa mga magtutudlo ug mga lider sa Pimary ug sa nursery bahin sa mga butang nga adunay kalabotan sa kabataan. (Tan-awa sa 12.3.3.)

Mga Klase ug Panahon sa Pagpanganta

Usa ka sagrado nga pribilihiyo ang pagtudlo sa kabataan. Ang mga lider sa Primary mohigugma ug motudlo sa kabataan sumala sa pamaagi sa Manluluwas. Ang mga klase sa Primary gi-organisar sumala sa edad ug sa gidaghanon sa mga magtutudlo nga anaa (tan-awa sa 12.1.3). Ang panahon sa pagpanganta makatabang sa mga bata nga mobati sa gugma sa Langitnong Amahan ug makakat-on mahitungod sa Iyang plano sa kalipay (tan-awa sa 12.1.4).

Mga Kalihokan sa Primary

Ang mga lider sa kalihokan sa Primary magplano og makalingaw ug makapadasig nga mga kalihokan nga makatabang nga matuman ang buhat sa Dios sa kaluwasan ug kahimayaan. Ang serbisyo ug mga kalihokan kinahanglan nga mopalambo og mga pagpamatuod, molig-on og mga pamilya, ug mohatag og mga oportunidad sa pagpanalangin sa uban. Ang mga kalihokan sa Primary sa kasagaran himoon makaduha sa usa ka bulan alang sa mga bata nga nag-edad og 8–11. (Tan-awa sa 12.3.6.)

Mga Lagda ug mga Palisiya

Ang tanang hamtong kinsa naglihok uban sa kabataan ug kabatan-onan kinahanglang mokompleto sa pagbansay sa Pagpanalipod sa Kabataan ug Kabatan-onan sulod sa usa ka bulan human mapaluyohi (ProtectingChildren.ChurchofJesusChrist.org). Ang mga lagda ug mga palisiya kabahin sa kabataan nga adunay espesyal nga mga panginahanglan, kinahanglanon sa kahilwasan, ang programa sa Kabataan ug Kabatan-onan, ug uban pa makita sa seksiyon 12.5 sa Kinatibuk-ang Tamdanan nga Basahon.