Noqu Veikacivi vaka-Sekeriteri ni Lalai
iTavi eso
Sa vakavinavinaka na Turaga ena nomuni lomasoli mo ni veiqaravi ena Nona Lotu. Oqo edua na ivakamacala raraba ni nomu veikacivi.
iNaki ni Lalai
Na Lalai e vukei ira na gone mera vakila na loloma ni Tamada Vakalomalagi; vulica me baleta na Nona ituvatuva ni marau; Bulataka na kosipeli i Jisu Karisito; ka vakila, kila, ka cakacaka ena veivakauqeti ni Yalo Tabu. Na Lalai sa gauna talega ni vakavakarau, cakava, ka maroroya na veiyalayalati tabu nira vakaitavi na gone ena cakacaka ni veivakabulai kei na bula vakacerecerei ni Kalou. (Raica na iVoladusidusi Raraba: Veiqaravi e Na Lotu i Jisu Karisito ni Yalododonu Edaidai, 12.1.)
Sekeriteri
Na sekeriteri ni Lalai ena vukea na mataveiliutaki ena gagadre ni veiliutaki. Ena kila o sekeriteri na mataveiliutaki me baleti ira na gone kei ira na vulagi vou, o ira na gone e rawa ni ra papitaiso, kei na tosoi cake ni kalasi. Ena veivuke o koya ena veilesilesi ni soqoni ni Lalai ena Sigatabu ka vakarautaka na lewe ni veivosaki ka dau tiko ena soqoni. Ena cakacaka vakavoleka talega o sekeriteri kei ira na qasenivuli ni Lalai kei na isususu kei ira na iliuliu ena veika e baleti ira na gonelalai. (Raica na 12.3.3.)
Kalasi kei na Gauna ni Lagasere
E sa dua na madigi tabu me ra vakatavulici na gonelalai. O ira na iliiuliu ni Lalai era lomana ka vakatavulici ira na gone ena ivakarau ni iVakabula. Na kalasi ni Lalai era wasei vaka yabaki ni bula kei na iwiliwili ni qasenivuli sa tiko rawa. (raica na 12.1.3). Na lagasere ena vukei ira na gone me ra vakila na loloma ni Tamada Vakalomalagi ka vulica na Nona ituvatuva ni marau. (raica na 12.1.4).
iTaviqaravi ni Lalai
Era tuvana na iliuliu ni itaviqaravi ni Lalai na veiqaravi kei na itaviqaravi eso me rawati kina na cakacaka ni veivakabulai kei na bula vakacerecerei ni Kalou. Na veiqaravi kei na itaviqaravi e dodonu me tara cake na ivakadinadina, vaqaqacotaka na matavuvale, ka vakarautaka na madigi me ra vakalougatataki kina na tani. Na itaviqaravi ni Lalai e dau vakayacori vakarua ena dua na vula me baleti ira na gonelalai yabaki 8–11. (Raica na 12.3.6.)
iDusidusi kei na Lawatu
Na tabaqase kece era cakacaka vata kei ira na itabagone e dodonue mera vakacavara na Veituberi ni Veitaqomaki vei ira na Gonelalai kei na iTabagone ena loma ni dua na vula ni nodra tokoni (ProtectingChildren.ChurchofJesusChrist.org). Na idusidusi kei na lawatu me baleti ira na gone era vakaleqai tu, veika e gadrevi ena veitaqomaki, na parokaramu ni Gonelalai kei na iTabagone, kei na so tale era kune ena wase12.5 ni iVoladusidusi Raraba.