Dagiti Pagrebbengan

Agyamyaman ti Apo iti kinatallugodmo nga agserbi iti Simbaanna. Adda iti baba ti pakabuklan dagiti pagrebbengan para iti calling-mo.

Panggep ti Primary

Tulongan ti Primary dagiti ubbing a mangrikna iti ayat ti Nailangitan nga Amada; mangsursuro maipapan iti planona iti kinaragsak; mangibiag iti ebanghelio ni Jesucristo; ken, mangrikna, mangbigbig, ken agtignay iti impluensia ti Espiritu Santo. Ti Primary ket panawen pay iti panagsagana, panagaramid, ken panagtungpal kadagiti sagrado a katulagan bayat ti pannakiraman dagiti ubbing iti aramid ti Dios iti pannakaisalakan ken pannakaitan-ok. (Kitaen iti Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw, 12.1.)

Secretary

Tulongan ti Primary ti panguluen kadagiti kasapulan nga administratibo. Ipakaammo ti secretary iti panguluen dagiti baro nga ubbing ken bisita, dagiti ubbing a maikari iti panagbuniag, ken class advancements. Tumulong kadagiti naituding nga aramiden iti miting ken mangisagana kadagiti adyenda ken dumar-ay kadagiti miting. Makitinnulong pay ti secretary kadagiti mannursuro ken lider iti Primary ken nursery maipapan kadagiti banag a mainaig kadagiti ubbing. (Kitaen iti 12.3.3.)

Dagiti Klase ken Oras ti Panagkanta

Sagrado a pribilehio ti mangisuro kadagiti ubbing. Ayaten ken isuro dagiti lider iti Primary dagiti ubbing iti wagas ti Mangisalakan. Mabukel dagiti klase ti Primary babaen iti edad ken ti bilang dagiti mannursuro nga adda a magun-od (kitaen iti 12.1.3). Ti oras ti panagkanta ket mangtulong kadagiti ubbing a mangrikna iti ayat ti Nailangitan nga Ama ken mangsursuro maipapan iti planona iti kinaragsak (kitaen iti 12.1.4).

Dagiti Aktibidad iti Primary

Dagiti lider ti aktibidad iti Primary ti agplano kadagiti makaay-ayo ken makaawis nga aktibidad a makatulong a mangipatungpal ti aramid ti Dios iti pannakaisalakan ken pannakaitan-ok. Nasken a ti serbisio ken dagiti aktibidad ti mangpatibker kadagiti pammaneknek, mangpapigsa kadagiti pamilia, ken mangipaay kadagiti gundaway a mangbendision kadagiti dadduma. Gagangay a maangay dagiti aktibidad iti Primary iti mamindua a daras iti binulan para kadagiti ubbing nga agtawen iti 8–11. (Kitaen iti 12.3.6.)

Dagiti Pangiwanwan ken Annuroten

Amin a nataengan a makipagtrabaho kadagiti ubbing ken agtutubo ket nasken a leppasenda ti training iti Panangsaluad kadagiti Ubbing ken Agtutubo iti uneg ti makabulan a pannakakanunongda (ProtectingChildren.ChurchofJesusChrist.org). Dagiti pangiwanwan ken annuroten maipanggep kadagiti ubbing nga addaan iti pagkurangan, kasapulan iti panagtalged, ti programa dagiti Ubbing ken Agtutubo, ken dadduma pay ket masarakan iti benneg 12.5 ti Sapasap a Handbook.